პროკურატურის განმარტება, თუ რატომ გაათავისუფლეს ლევან ჯიბღაშვილი მაშინ, როდესაც სხვები პატიმრობაში არიან

378
წაკითხვა/ნახვა
IMG.GE
მსახიობ ლევან ჯიბღაშვილის გათავისუფლებას არაერთგვაროვანი დამოკიდებულება მოჰყვა და საზოგადოების ნაწილი ალაპარაკდა შერჩევით სამართალზე იმ ფონზე, როდესაც ანალოგიური დანაშაულის ბრალდებით დაკავებული პირები პატიმრობაში
იმყოფებიან. ამ საკითხზე პროკურატურა განმარტებას აკეთებს.
“მაღალი საზოგადოებრივი ინტერესის გათვალისწინებით, საქართველოს პროკურატურა განმარტავს დადგენილ პრაქტიკას საქართველოს სისხლის სამართლის კოდექსის 260-ე მუხლით წარდგენილ ბრალდებასთან დაკავშირებით.
როდესაც პირს წარდგენილი აქვს ბრალდება საქართველოს სისხლის სამართლის კოდექსის 260 მუხლის 1, 2 ან 3 ნაწილით, არ არის ნასამართლევი, აღიარებს ჩადენილ დანაშაულს და სახეზე არ არის ნარკოტიკული საშუალების გასაღების მიზანი, პროკურატურა, დადგენილი პრაქტიკის შესაბამისად, სასამართლოს წინაშე შუამდგომლობს არასაპატიმრო აღკვეთის ღონისძიების შეფარდების მოთხოვნით.
აღნიშნული პრაქტიკა, პროკურატურის მიერ გამოიყენება ყველა იმ შემთხვევაში, თუ
ბრალდებული პირი აკმაყოფილებს ზემოთ ჩამოთვლილ პირობებს.
რაც შეეხება ნარკოტიკული საშუალების შეძენას, შენახვას და გასაღებას, საქართველოს სისხლის სამართლის კოდექსის 260-ე მუხლის 4, 5 ან 6 ნაწილს, როდესაც საქმეში მტკიცებულებებით უტყუარად დასტურდება ნარკოტიკული საშუალების გასაღების ფაქტი ან პირს აღმოაჩნდება განსაკუთრებით დიდი ოდენობით ნარკოტიკული საშუალება, საქართველოს პროკურატურა, ასევე დადგენილი პრაქტიკის მიხედვით, სასამართლოს წინაშე შუამდგომლობს საპატიმრო აღკვეთის ღონისძიების შეფარდების მოთხოვნით.”- ნათქვამია პროკურატურის განმარტებაში.
თქვენი კომენტარი?
IMG.GE