რუსთავში მდებარე მე-16 დაწესებულებაში პატიმრების საშხაპე ოთახები სრულად განახლდა.
ინფორმაციას პენიტენციური სამსახური ავრცელებს:
“ამჯერად, თანამედროვე სტანდარტების შესაბამისად, სრულად განახლდა №16 დაწესებულების მსჯავრდებულთათვის განკუთვნილი საშხაპე სივრცე, განთავსდა ახალი ინვენტარი, შეიცვალა წყლისა და სავენტილაციო სისტემები, დამონტაჟდა ახალი განათება.
ბრალდებულთა/მსჯავრდებულთა საცხოვრებელი პირობების გაუმჯობესება და პენიტენციურ სისტემაში საერთაშორისო სტანდარტების დამკვიდრება სამსახურის ერთ-ერთი პრიორიტეტია.
დაწესებულებებში სხვადასხვა ინფრასტრუქტურული სამუშაოები ინტენსიურად მიმდინარეობს: №5 (ქალთა) დაწესებულებაში არასრულწლოვან ბრალდებულთათვის/მსჯავრდებულთათვის მოეწყო თანამედროვე სტანდარტების შესაბამისი სივრცე; №8 პენიტენციურ დაწესებულებაში განახლდა სავენტილაციო სისტემა; ასევე გრძელვადიანი და მოკლევადიანი პაემნების სივრცეები; სრულად შეიცვალა სპორტული ინფრასტრუქტურა.”- აღნიშნულია ინფორმაციაში.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს