ბოლო ამბები
მაისი 21, 2024

გავდივარ ქიმიოთერაპიას და დარწმუნებული ვარ, რომ ამ ბრძოლას მოვიგებ – ხათუნა სამნიძე

აპრ6,2024
გაზიარება

რესპუბლიკური პარტიის თავმჯდომარე ხათუნა სამნიძე ჯანმრთელობის მდგომარეობის გამო ვერ ერთვება პოლიტიკურ პროცესებში, რაც უცხოური დაფინანსების გამჭვირვალობის კანონპროექტს ეხება.

როგორც მან განაცხადა, იტარებს ქიმიოთერაპიის კურსს.

“არ ვარ აქტიურად ჩართული ჩემს კოლეგებთან, განსაკუთრებით ქალ პოლიტიკოსებთან ერთად, ამ მძიმე ბრძოლაში, სადაც აუცილებლად ვიქნებოდი, რომ არა ჩემი ჯანმრთელობის მდგომარეობა.

მაქვს საკუთარი ბრძოლა, ვარ ქიმიოთერაპიის პროცესში და დარწმუნებული ვარ, რომ ამ ბრძოლას მოვიგებ და ისევ შევუერთდები ჩემს კოლეგებს. ჩავერთვები უკვე ფიზიკურადაც ამ ბრძოლაში და ვიქნები ძალიან აქტიური.

მინდა სოლიდარობა გამოვუცხადო ყველა იმ ადამიანს [ონკოპაციენტებს], ვინც ამ დაავადებას ებრძვის, ამ ბრძოლაშია, მხნეობა ვუსურვო, ენერგია ვუსურვო, ოჯახისა და მეგობრების თანადგომა, რამაც მე გადამადგმევინა პირველი ნაბიჯები ამ შოკისმომგვრელი ინფორმაციის შემდეგ.

ამ ბრძოლასაც მოვიგებ! ქვეყნის ბრძოლასაც მოვიგებთ”- ამბობს ხათუნა სამნიძე.

სხვა ამბების წაკითხვა