ბოლო ამბები
მაისი 21, 2024

დავით თარხან-მოურავი არ ეთანხმება კანონის მიღებას უცხოური გავლენის გამჭვირვალობაზე

აპრ28,2024
გაზიარება

“ამ კანონის მიზნობრიობა გაუგებარია, რადგან, რეალურად, დღევანდელი კანონმდებლობა სრულად იძლევა ორგანიზაციის გაკონტროლების საშალებას.”– განაცხადა “პატრიოტთა ალიანსი”-ს თავმჯდომარე დავით თარხან-მოურავმა 27 აპრილს, “ობიექტივი”-ს ეთერში, როდესაც შეაფასა მმართველი პარტიის ინიცირებული კანონპროექტი უცხოური გავლენის გამჭვირვალობის შესახებ.

“თუ რაიმე გაკლია, თუ გინდა, რომ დეკლარაცია იყოს უფრო დეტალური, ამისთვის საკმარისია, რომ დეკლარაციის შესახებ კანონში ჩაწერო, რომ არასამთავრობო ორგანიზაციების დეკლარაცია იყოს უფრო დახვეწილი. ამასაც არ აკეთებენ. ანუ ახალი კანონი რა საჭიროა, არავის არ ესმის.

20 000 ახალგაზრდა მომხრე ნაციონალურ მოძრაობას არ ჰყავს. ეს ხალხი სულ არ არის ნაცმოძრაობის მომხრე, ეს არის ახალგაზრდა ხალხი, იქ შეიძლება, 1000 და 2000 კაცი არის ნაცმოძრაობის ომხრე, დანარჩენები არ არიან.

ამათ მართლა არ უნდათ, დაარწმუნეს ისინი, რომ ეს კანონი არის რუსული. ჩემი აზრით, ეს კანონი საერთოდ არ არის საჭირო. ესენი ითხოვენ, რომ არ გვინდა კანონი და რა არის ასეთი ძნელი 20-25 ათასი ახალგაზრდა რომ გამოდის და გეუბნება, გაიწვიე ეს კანონი, გაიწვიე, რა სიჯიუტეა ეს. რა საჭიროა, რატომ ვძაბავთ ურთიერთობებს” – განაცხადა დავით თარხან-მოურავმა.

სხვა ამბების წაკითხვა