68 წლის ასაკში გარდაიცვალა მსახიობი, რეჟისორი და მომღერალი ზაზა მიქაშავიძე.
ინფორმაციას მიხეილ თუმანიშვილის სახელობის თეატრი ავრცელებს:
“გარდაიცვალა მსახიობი და რეჟისორი ზაზა მიქაშავიძე. თუმანიშვილის თეატრის ერთ-ერთი დამფუძნებელი და მოამაგე. ზაზა მიქაშავიძე იყო მიხეილ თუმანიშვილის საუკეთესო მოწაფე, მისი მუდმივი თანამოაზრე და ერთგული მეგობარი.”- ნათქვამია თეატრის ინფორმაციაში.
შეგახსენებთ, ზაზა მიქაშავიძე იყო მსახიობ ნინელი ჭანკვეტაძის მეუღლე.
Multimedia.ge უსამძიმრებს ზაზა მიქაშავიძის ოჯახს, მეგობრებსა და ახლობლებს.
