არც ახლა მჯერა, რომ ივანიშვილი კრემლში დაიბარეს და დავალება მისცეს, მაგრამ.. – თამარა

712
წაკითხვა/ნახვა

თამარა ჩერგოლეიშვილი


კახა ბენდუქიძეს აქვს ქართული ოცნების გამარჯვების შემდეგ ნათქვამი, რომ მას არ სჯერა, რომ ივანიშვილი კრემლის აგენტია. არ მჯერა, რომ დაიბარეს კრემლში და დავალება მისცესო. არც მე მჯეროდა და არც ახლა მჯერა.

“მაგრამ თქვენ ოდესმე გიცეკვიათ უცნობ ქალთან? და ცეკვა კარგად გამოგსვლიათ? თქვენ ხომ იმ ქალთან არ მოგილაპარაკიათ რომ კარგად გეცეკვათ, უბრალოდ კარგად შეეწყვეთ ერთმანეთს ცეკვაში.” – ასე ახსნა ივანიშვილის და კრემლის ჰარმონიული ინტერესები კახა ბენდუქიძემ.

და ახლაც რა ხდება:

ხელისუფლების წინააღმდეგ პროტესტს მრავალი მიზეზი აქვს (ეკონომიკა პირველ რიგში), მაგრამ პროტესტის მაკონსოლიდირებელი ფაქტორი არის ხელისუფლების რუსული პოლიტიკა და რუსული ოკუპაცია.

ასე მოხდა – ასე დალაგდა.

იმ 9 წელში პროტესტის გამაერთიანებელი იყო ადამიანის პირადი ღირსება – “ღირსება წაგვართვეს”.

ახლა, გამაერთიანებელია ნაციონალური, ეროვნული ღირსება! შესაბამისად, ხელისუფლების წინააღმდეგ პროტესტი ანტირუსულია.

ამიტომ, თავდაცვის მიზნით, მთელი მთავრობა და სამთავრობო მედია გადასულია რუსულ პროპაგანდაზე.

წარმოიდგინეთ რა მდგომარეობაა? ივანიშვილს თავდაცვის გზად რუსული პროპაგანდაღა წარმოუდგენია! ივანიშვილის ხელისუფლებასა და კრემლს შორის ჰარმონია პიკშია. შეუძლებელია, ძალიან მალე, ამ გასაოცარმა ჰარმონიამ დიდი მარცხი არ განიცადოს.

აპატურაის ინტერვიუს მანიპულაციით და ხელისუფლების განცხადებებით ვარ შთაგონებული. ერთი ერთში იმეორებენ რუსულ გზავნილებს.”

თქვენი კომენტარი?