ირმა ინაშვილის განცხადებით, 2020 წელს არჩევნებში “პატრიოტთა ალიანსი” გაიმარჯვებს

442
წაკითხვა/ნახვა

ირმა ინაშვილის განცხადებით, 2020 წელს არჩევნებში “პატრიოტთა ალიანსი “გაიმარჯვებს” – ამის შესახებ პარლამენტის ვიცე-სპიკერი სოციალურ ქსელში წერს და პარლამენტის ყოფილი თავმჯდომარეს პასუხობს.

“ირაკლი კობახიძე არც გამორჩეული პარლამენტის თავმჯდომარე იყო, არც გამორჩეული პოლიტიკოსი და ექსპერტია, რომ საარჩევნო პროგნოზები გაგვიზიაროს. არავინ არ იღწვის, რომ კოალიციაში შევიდეს “ქართულ ოცნებასთან”. ჩვენი პოლიტიკური გუნდი ნამდვილად არ იღწვის ამისათვის. “ქართული ოცნების” იმიჯი დღეს იმდენადაა დაზიანებული, იმდენად აქვს დაკარგული ხალხის ნდობა, რომ მასთან კოალიციურ ფორმატში თანამშრომლობა აშკარად არაა საინტერესო ჩვენთვის.

ჩვენი მიზანია გავიმარჯვოთ ქართველ ხალხთან! და ვეუბნები ბატონ კობახიძეს, რომ 2020 წლის არჩევნებში გაიმარჯვებენ საქართველოს პატრიოტები.

“ქართული ოცნება” 45% და 50%-ს კი არა, დღევანდელ ვითარებაში ხმების 15%-ს ვერ მოიპოვებს, ამიტომ ვის ვისთან და როგორ მოუწევს მომავალში კოალიციის შექმნა ან არშექმნა, ამას 2020 წლის არჩევნების შედეგები გვაჩვენებს, მაგრამ თუ “ქართული ოცნება” იმას ფიქრობს, რომ კვლავ ბოკერიას დაუწერს ხმებს, (როგორც დაუწერა თითქოსდა 800 000 ხმა) და გააგრძელებს მოღალატურ თამაშს მწამებლების პარტიებთან, მიიღებს არც მეტი და არც ნაკლები რევოლუციას ქვეყანაში. ამდენად, ყველას ვურჩევ, კარგად დაფიქრდეს, როცა საარჩევნო პროგნოზებზე და წითელ ხაზებზე საუბრობს. მათ შორის, ბატონ კობახიძეს, რომელიც საკუთარი გვარითა და სახელით რომ გავიდეს არჩევნებზე, ორ ხმასაც ვერ მიიღებს, ვარწმუნებ!” – აცხადებს ირმა ინაშვილი.

თქვენი კომენტარი?