4 წლიანი ბრძოლა დამარცხებით დასრულდა – ახალგაზრდა ჟურნალისტი ნინო სულაბერიძე გარდაიცვალა

3625
წაკითხვა/ნახვა

4 წლიანი ბრძოლა მისი დამარცხებით დასრულდა. ახალგაზრდა ჟურნალისტი ნინო სულაბერიძე, რომელსაც თავის ტვინის სიმსივნე 2015 წელს დაუდგინდა, გარდაიცვალა. მას მცირეწლოვანი შვილი დარჩა.

დაავადების შესახებ ნინომ სოციალურ ქსელში თავად დაწერა 2015 წელს და საზოგადოებას დახმარებას სთხოვდა.

“ამ სიფრიფანა ფურცელის დაჭერა ისეთივე მძიმე აღმოჩნდა ჩემთვის, როგორც იმ დიაგნოზის მოსმენა, რომელიც დაახლოებით ნახევარი წლის წინ მოვისმინე: თავის ტვინზე სიმსივნური წარმონაქმნი. რომლის ამოკვეთის ოპერაცია ოთხი თვის წინ საქართველოში გავიკეთე, თუმცა უშედეგოდ. აღმოჩნდა, რომ ისეთ რთულ ადგილას არის საჭიროა ხელახალი ოპერაცია და მკურნალობა, რომელიც 15 სექტემბერს არის დაგეგმილი გერმანიის კლინიკაში და რომელიც დიდ თანხებთან არის დაკავშირებული. ვინც კარგად მიცნობს მან იცის, როგორი რთულია ჩემთვის დახმარების თხოვნა, თუმცა Merabi Manana Gegechkori Gabrichidze -მ ჩემი ჯანმრთელობის მდგომარეობა, რომ გაიგო და დამირეკა მინდა ორგანიზება გავუკეთო ყველაფერს შენს დასახმარელადო, მივხვდი არაფერია გვერდში დგომის ფასი, ვერაფერს გააკეთებს ადამიანი მარტო და სიამოვნებით დავთანხმდი. არ შეიძლება დახმარებაზე და სიკეთის კეთებაზე უარის თქმა. დიდი მადლობა TV Inkognito-ს და მასთან ერთად უამრავ ადამიანს.

არ შემიძლია უღრმესი მადლობა არ გადაგიხადო შენ Jumber Partsakhashvili იმდენად საოცარი ადამიანი ხარ ჩემთვის სიტყვები არ მყოფნის იმ მადლიერების გადმოსაცემად, რომელსაც შენს მიმართ განვიცდი. ანგელოზივით, რომ არ გამოჩენილიყავი ჩემ ცხოვრებაში და სწორ გზაზე არ დაგეყენებინე, არც დღევანდელი დღე იქნებოდა ესე იმედიანი და არც მე ვიდგებოდი უშენოდ ამ გზაზე, არადა სწორად შერჩეული გზით სიარულია ამ ცხოვრებაში გამარჯვებისთვის ყველაზე მთავარი. საოცარი ადამიანი ხარ და კიდევ ერთხელ უღრმესი მადლობა შენ ყველაფრისთვის.

უზომოდ ბედნიერი ვარ, რომ უკვე ბევრნი ხართ და დღითი-დღე კიდევ უფრო ბევრნი ხდებით. ძალიან მახარებთ და მაძლიერებთ. კიდევ ერთხელ უღრმესი მადლობა ყველას: ჩემი ოჯახის წევრებს, მეგობრებს, ნაცნობებს და სრულიად უცხო ადამიანებს, რომლებიც აზიარებთ ჩემს სურათს და ამხელა სიტბოს და თანადგომას გამოხატავთ. “, – წერდა ნინო სულაბერიძე 2015 წელს.

multimedia.ge მწუხარებას გამოთქვამს ნინო სულაბერიძის გარდაცვალების გამო და სამძიმარს უცხადებს მის ოჯახს.

თქვენი კომენტარი?