კათოლიკოს პატრიარქის ფონდის მმართველი საბჭოს წევრი გიორგი ანდრიაძე ეროვნული ღირსების შეურაცხყოფად მიიჩნევს იმას, რომ ოპოზიციასა და ხელისუფლებას შორის დიალოგი უცხოელი ელჩების მეშვეობით მიმდინარეობს. ამის შესახებ ანდრიაძე სოციალურ ქსელში წერს:
“ეს ელემენტარულად ეროვნული ღირსების შეურაცხყოფაა! და საერთაშორისო სამართლის ნორმების უხეში დარღვევაა – ელჩობის მანდატი სრულიად ეწინააღმდეგება ქვეყნის შიდა პოლიტიკურ პროცესებში მონაწილეობას!!! – ეს იცის ყველა (საერთაშორისო სამართლის და საერთაშორისო ურთიერთობების ფაკულტეტის) პირველკურსელმა!
ქვეყანაში, სადაც შიდაპოლიტიკური კრიზისი ელჩების მონაწილეობით გვარდება – ის სახელმწიფო არშემდგარი წარმონაქმნია! და ასეთ დღეშია საქართველო 25 წელიწადია!
ასეთი რამ არცერთ ნორმალურ ქვეყანაში არ ხდება. ასეთი რამ მხოლოდ აფრიკის პოსტ-კოლონიალურ ე.წ. სახელმწიფოებში ხდება ხოლმე.
ერთი წელია ისრაელში პოლიტიკური კრიზისია (უკვე მესამე არჩევნების ჩატარებას გეგმავენ) მაგრამ არავის აზრადაც არ მოსდის უცხო ქვეყნის ელჩების ჩარევა შიდაპოლიტიკურ პროცესებში.
თუ ამ არჩევნებშიც ჩვენი საზოგადოების 30%-მა ისევ ნაც-ქოცებს (და მათ სატელიტებს) მისცა ხმა და დანარჩენმა 70%-მა სახლში იძინა – საქართველო, როგორც სახელმწიფო, (ამ ეტაპზე) – კატასტროფის პირას დადგება!”- აცხადებს გიორგი ანდრიაძე.
როდესაც ჩვენ ჰესებს ვაშენებდით, მაშინ ეს იყო აუცილებელი – მიხეილ სააკაშვილი