39% ქართულ ოცნებას, არჩევნებში მის უპირობო გამარჯვებას ნიშნავს – გოჩა მირცხულავა

215
წაკითხვა/ნახვა
IMG.GE

ჟურნალისტი გოჩა მირცხულავა ეხმიანება “მთავარი არხი”-ს დაკვეთით, ფრანგული კომპანია “იპსოსი”-ს მიერ  ჩატარებულ იმ კვლევას, რომლის მიხედვით კვლავ “ქართული ოცნება” ლიდერობს 34 პროცენტით. გოჩა მირცხულავას შეფასებით, ეს ნიშნავს მმართველი პარტიის უპირობო გამარჯვებას.

“39% ქართულ ოცნებას, არჩევნებში მის უპირობო გამარჯვებას ნიშნავს. ჯამური, თუნდაც მაქსიმალური 61% არ არსებობს. უბრალოდ, არ არსებობს არჩევნებში ასეთი გაგება. და თუ მაინც დავუშვებთ, ამ ჯამური 61%- დან აქტიური პროცენტი შესაძლოა იყოს მხოლოდ მისი ნახევარი – ანუ, 30%.(+5%) ახლა გადაანაწილეთ გაუნაწილებელი ხმები, და გამოვა, რომ “ოცნება” არჩევნებს იგებს – 51%+ით.

და მაშინ რას ერჩით კობახიძეს, რომელიც 60%-იან გამარჯვებას ვარაუდობს საკუთარი პარტიისთვის? ბარემ ცდომილებებიც მივამატოთ და ეგ იქნება.
მოკლედ, არჩევნებამდე რვა თვით ადრე, წარმოდგენილი კვლევის მიხედვით “ოცნება” იგებს და ამას თავად ოპოზიცია “აღიარებს”. ახლა ისღა დაგვრჩენია ეგზიტპოლებს დაველოდოთ. (ისევ, დავწერდი რაღაცას კუშებზე, მაგრამ თავს შევიკავებ.)

უბრალოდ, ერთ რამეს ვიტყვი პირველად, ყოველგვარი თავმდაბლობის გარეშე – თითქმის არავინ მეგულება პრაქტიკოსი საარჩევნო ტექნოლოგი ჩემზე ძლიერი, ვიმეორებ პრაქტიკოსი. თუ ამ ციფრებს დამიდებ და მკითხავ, რა მოხდება, გიპასუხებ: მორჩა კინო, წადით სახლში! სხვა ნიუანსებში არ შევალ შეგნებულად, მხოლოდ გავიღიმებ”- წერს გოჩა მირცხულავა ფეისბუქში.

თქვენი კომენტარი?
IMG.GE