როგორი გავეშებით ებრძვიან ეს გვარამიები, ჯულიეტოვნები, მაქარაშვილები და მათი მსგავსი უჯიშო, უსქესო, ურწმუნო ხალხი ყოველგვარ კაცურს,

190
წაკითხვა/ნახვა
IMG.GE

ჟურნალისტი გია გაბრიჭიძე ფეისბუქში წერს:

“როცა ვუყურებ, თუ როგორი გავეშებით ებრძვიან ეს გვარამიები, ჯულიეტოვნები, მაქარაშვილები და მათი მსგავსი უჯიშო, უსქესო, ურწმუნო, მდაბიო ხალხი ყოველგვარ კაცურს, ნიჭიერს, ლამაზს, ინტელექტუალურს, წარსულს და მომავალს, მახსენდება ნაწყვეტი გრიგოლ რობაქიძის რომანიდან „ჩაკლული სული“:

„პოლტავის თუ ვორონეჟის გუბერნიაში რევოლუცია მძვინვარებდა. მთელი სოფელი, განურჩევლად ყველა, დიდი და პატარა, კაცი და ქალი, აღმდგარიყო და ჯოხებით, კომბლებით, ცულებით, ბარებით, იარაღით ერთი მემემულის სახლს თავს დასხმოდა. გაბოროტებული გლეხები სასახლეში შეჭრნენ და რბევა დაიწყეს. რაც ხელში ხვდებოდათ,ყველაფერს ანადგურებდნენ.

ყოველი ნივთი მათს მრისხანებას აღვიძებდა. უცნაურია, მხოლოდ ცოტამ თუ აიღო ძვირფასი ნივთები თავისთვის; ცოფმორეულნი განადგურების ჟინს შეეპყრო უპირატესად. გლეხების ერთი ჯგუფი თავლისკენ გაემართა. ოცამდე ცხენი გამოიყვანეს; მათგან ერთი განსკუთრებით გამოირჩეოდა: მთლად თეთრი, ლაქების გარეშე, კოხტა, ნატიფძარღვიანი. მისი ყოველი ასო მიწის სიხარული იყო, ყოველი კუნთი – განხორციელებული მზის ტალღა, მისი თვალები ცეცხლს აფრქვევდნენ. გლეხებს თვალები აემღვრათ, ერთ ხანს გაშეშდნენ მისი მშვენებით.

ერთმა აღვირით თავისკენ მოქაჩა ცხენი. ცხენი ყალყზე შეხვდა ხეპრულ საქციელს. ბრბო ავისმომასწავებლად გაირინდა, უეცრად ვიღაცამ დაიყვირა გახელებით “ ჯიშიანია!” . მესამემ, მეოთხემ, მეხუთემ გაიმეორეს ეს სიტყვა. ბოლოს მთელი მასა უთავბულოდ ღრიალებდა: “ ჯიშიანია, ჯიშიანო!” შური და რისხვა გამოყმუოდა ამ შეძახილში. აბობოქრებული მასა წინ გაიჭრა, თუმცა არ იცოდა, რა სურდა. ხელები ამოძრავდნენ, ბაგეებს მიეყინა შეძახილი, ტუჩების კუთხეში დუჟი აქაფდა, თითქო ბრბო რაღაცას ელისო. როყიოდ დაიყვირა ერთმა: “ ტყავი გავაძროთ წყეულ პირუტყვს.” პირველს მეორე აჰყვა.” ტყავი გავაძროთ!” მრავალი ხმა ღრიალებდა, ერთმანეთში არეული. ბოლოს ყველამ ერთად დაიყვირა: “ ტყავი გავაძროთ!” ბრბო ყმუოდა; შიში და სიძულვილი მოისმოდა ამ გაშმაგებულ ღრიანცელიდან.

ელვის სისწრაფით გააჩინეს დანები, ცელები, ნამგლები. ხელები თითქოს სიგიჟეში იმყოფებოდნენ. “ ჯიშიანი, ჯიშიანი!” თავიდან აყმუვლდა ბრბო, აყმუვლდა ისე ყურისწაღებამდე, თითქოს რაღაცისა ეშინია და ამ უცხო ყმუილში გამოგუდვას ლამობსო“.

პოლტავის, თუ ვორონეჟის გუბერნიაში აჯანყებული ბრბოს შთამომავლებო – არაფერი გამოგივათ და ზუსტად ისე ჩაიხრჩობით საკუთარ ბოღმასა და დუჟში, როგორც ისინი ამ ერთი საუკუნის წინ”- წერს გია გაბრიჭუძე.

თქვენი კომენტარი?
IMG.GE