რა საფრთხეს წარმოადგენს ყუნწიანი მარწყვის ტორტი?

331
წაკითხვა/ნახვა
IMG.GE

ერთი შეხედვით ლამაზი, ყუნწიანი მარწყვით გაფორმებული ტორტი, შესაძლოა ბაქტერიების დიდ ბუდეს წარმოადგენდეს, რაც ადამიანის ჯანმრთელობისთვის საშიშია.

როგორც ინფექციონისტი მაია ბუწაშვილი განმარტავს, ყუნწიანი მარწყვი სათანადოდ არ ირეცხება და ბაქტერიების საბადოც, სწორედ იმ ყუნწშია.

“ზოგი ახირებად მითვლის, მაგრამ წლებია მაწუხებს ყუნწიანი მარწყვების ნახვა კრემიან ტორტებზე. შეუძლებელია მარწყვი ყუნწის მოცილების გარეშე ადეკვატურად გაირეცხოს. აღარაფერს ვამბობ ბაქტერიებზე, რომლებსაც დიდი შანსი აქვთ იქ არსებობის, ყუნწის მოცილებისას ხილული ჭუჭყიც შეიმჩნევა ხოლმე.

ახლა, რა თქმა უნდა, კორონავირუსის კონტექსტში არ ვწერ ამას, ჩვეულებრივ ბაქტერიებს ვგულისხმობ, რომლებიც ადვილად აინფიცირებს ადამიანს, თუ ხილი და ბოსტნეული კარგად არ არის გარეცხილი გამდინარე წყლით. ასევე ადვილად მრავლდება ბაქტერიები კრემში და სერიოზულ დაავადებებს იწვევს (საკვებისმიერი ინფექციები). არაერთხელ გამიგია, რომ ადამიანი მარწყვმა “მოწამლა”. ასევე ხშირია კრემიანი ნამცხვრებით “მოწამვლის” შემთხვევებიც.

მოკლედ, განსაკუთრებით ამ ეპოქაში, როდესაც ადამიანებმა ისეთი უცნაური და არასაჭირო ქცევა დაიწყეს, როგორიცაა პროდუქტების შეფუთვების დეზინფექცია და ხილის და ბოსტნეული საპნით რეცხვა, ყუნწიანი (ანუ ფაქტიურად ცუდად გარეცხილი) მარწყვი თავმომწონე ტორტზე კიდევ უფრო გასაკვირია.”- ამბობს მაია ბუწაშვილი.

თქვენი კომენტარი?
IMG.GE