MULTIMEDIA.GE - გადამოწმებული ახალი ამბები გასაგებ ენაზე

გურამ ქართველიშვილი, რომელიც საზ.მაუწყებლის პროექტ “გააგრძელე საქართველოს ისტორიის” ავტორია, ტელევიზიის დირექტორ ვასილ მაღლაფერიძეს მიმართავს.

“ეჰ ვასო, როგორ არ ეცადნენ წინამორბედები, მაგრამ არ შედგა შენგან კაცი და ქართველი. როცა ოცნების დეპუტატებს უკითხავთ მიზეზები, ქოცკაც და ნაცყოფილ მაღლაფერიძეს არაერთხელ უპასუხია თურმე: ,,გააგრძელე საქართველოს ისტორია,, იმიტომ გავაჩერე, რომ ქართველიშვილი ისტორიას აყალბებდაო.

ამ აწ უკვე ბიძოს ტელექოფაკს ერთ რჩევას მივცემდი–ჯერ პროექტის კონსულტანტების გვარები წაიკითხოს ფილმის ტიტრებში და თუ სურვილი ექნება პირდაპირ ეთერში დამიჯდეს და თქვას სად ნახა გაყალბებები…

ეჰ ვასო, ვასო შე ,,ძვირფასო,, შენ ხომ იმით სარგებლობ, რომ ცხრა პარტია გამოცვლილი ამჯერად საქართველოს ისტორიის არმცოდნეთა და უწიგნურთა გოშია ხარ და ყველაფერზე წამსვლელს ვერავინ გადაგიმოწმებს ტყუილებს, მაგრამ იმ იუდას სახელს ვერასდროს ჩამოირეცხავ რომელიც უკვე ჩადენილმა დაგიმკვიდრა.

შენ ქართული ფასეულობების მესაფლავე და ერთ-ერთი აქტიური სოროსელი ხარ, ხოლო მართლებთან ბრძოლა შენ სუფრასთან თავმოყრილ მლიქვნელებთან ,,კურკური,, ნუ გგონია… ამიტომ, რადგან თანდაყოლილ ფლიდობას ვერ ანებებ თავს, პასუხებს არ დაგზარდები. თანაც გახსოვდეს, რომ შენ ნათქვამ გაცვეთილ სიტყვას მთელი ნაცქოცეთის რესურსი უმაგრებს ზურგს, ხოლო ჩემსას შენისთანა ,,ღამურებისთვის,, ასე საშიში შიშველი სიმართლე.”– წერს გურამ ქართველიშვილი.

თქვენი კომენტარი?