ბოლო ამბები
მაისი 27, 2024

 მსურს, ცხადად ვთქვა, რომ ამ საქმესთან დაკავშირებით შეცდომა არ არსებობს – კელი დეგნანი ქართველი მოსამართლეებისთვის სავიზო აკრძალვაზე

აპრ19,2023
გაზიარება

მსურს, ცხადად ვთქვა, რომ ამ საქმესთან დაკავშირებით შეცდომა არ არსებობს. აშშ-ს აქვს სრული ნდობა ვიზების აკრძალვის საფუძვლებთან მიმართებით ამ ოთხ ადამიანთან დაკავშირებით, კორუფციულ ქმედებებში ჩართულობის გამო.”– განაცხადა ამერიკის ელჩმა დელი დეგნანმა დღეს, როდესაც კომენტარი გააკეთა ოთხი ქართველი მოსამართლისთვის სავიზო შეზღუდვებთან დაკავშირებით.

“ვიზის აკრძალვამდე ჩვენ ჩავატარეთ ძალიან საფუძვლიანი მიმოხილვა და შევაგროვეთ ინფორმაცია, რომლის უმრავლესობა საჯაროდ იყო ხელმისაწვდომი.

სახელმწიფო მდივანმა ბლინკენმა დაამტკიცა ვიზის აკრძალვა, რადგან ჩვენ გვაქვს სრული ნდობა ვიზის აკრძალვის საფუძვლებთან დაკაშირებით. როგორც ვთქვი, ეს არის შესაძლებლობა საქართველოს მთავრობისთვის, თავად გამოიძიოს ბრალდებები ადგილობრივი კანონმდებლობის შესაბამისად, საჯარო და სხვა სახის ინფორმაციის გათვალისწინებით.

ასევე, არ არის შეცდომა აშშ-ის სასამართლოს პროგრამებში მონაწილეობასთან დაკავშირებით. ეს პროგრამები ღიაა მოსამართლეებისთვის, რომლებიც კვალიფიციურები არიან, ვისაც აქვთ დრო მონაწილეობისთვის და რომლებიც სარგებელს მიიღებენ ამ პროგრამებით თავიანთ სასამართლო ოთახებში იდეების ჩამოტანით.”– განაცხადა კელი დეგნანმა.

მან ასევე თქვა, რომ არასდროს დაუბარებიათ ქართველი მოსამართლეები და მათგან არაფერი არ მოუთხოვიათ.

ჩვენ არასდროს დაგვიბარებია მოსამართლეები და არც არაფერი მოგვითხოვია მათგან, ეს სრული სიცრუეა და არასწორად ინფორმირებული ადამიანებისგან ვრცელდება.

ჩვენ გვაქვს ძალიან პოპულარული და წარმატებული გაცვლითი პროგრამები, რომელშიც ბევრმა ქართველმა მოსამართლემ მიიღო მონაწილეობა. უცნაურად ჩანს სოლიდარობის გამოცხადება იმ ქართველი მოსამართლეების მიმართ, რომელთა უმრავლესობა ძალიან პროფესიონალია, რომლებსაც სურთ, იმუშაონ კანონის შესაბამისად. ოთხი ადამიანის დაცვა, რომლებზეც არის სანდო ინფორმაცია კორუფციულ ქმედებებში მონაწილეობასთან დაკავშირებით, არ არის სოლიდარობა პროფესიონალი მოსამართლეების მიმართ. ვიმედოვნებ, მთავრობა გამოიყენებს ამ შესაძლებლობას ბრალდებებთან დაკავშირებით გამოძიების ჩასატარებლად“, – განახადა კელი დეგნამა.

სხვა ამბების წაკითხვა