ინაუგურაციაზე მიწვეული აღმოჩნდა მედიაალქაჯი, “სიძულვილის ენის” ერთ-ერთი მთავარი აკსაკალა – ბიძინა გიორგობიანი

443
წაკითხვა/ნახვა
IMG.GE IMG.GE
ბიძინა გიორგობიანი - თბილისის მერიის ეკოლოგიისა და გამწვანების სამსახურის ყოფილი უფროსი

ერთი შეხედვით ჩვეულებრივი ფაქტი, კონკრეტული მედიააქტივისტის მიწვევა ინაგურაციაზე, ძალიან კარგად ახასიათებს დღევანდელობას. ერთი თვეც არ გასულა რაც დასრულდა არჩევნები, რომლის მსვლელობისას გამოიკვეთა ქართულ სინამდვილეში არსებული ყველა ნაკლოვანება და პათოლოგია.

ამ პათოლოგიებიდან მთავარს, თანამედროვე პოლიტკორექტულობა ენის მოჩლექით, “სიძულვილის ენად” მოიხსენიებს. მოხდა ისე, რომ ინაუგურაციის სუბიექტისადმი მტრულად განწყობილი მედიაალქაჯი, “სიძულვილის ენის” ერთ-ერთი მთავარი აკსაკალა, მიწვეული აღმოჩნდა იმ ღონისძიებაზე, სადაც არ არის მიწვეული ბევრი ის ადამიანი, ვისაც იგი უშვერი სიტყვებით ლანძღვდა ერთი თვის წინათ.

რა მოხდა? მოხდა ის, რომ სამთავრო და პარტიული კანცელარიებს აქვთ სტუმართა სიები, სადაც ე.წ. “ჟურნალისტთა კორპუსი” ჩვეულებრივ მოკვდავთაგან განსხვავებით ცალკეა გამოყოფილი, დისკრიმინაცია რომ არ დაუშვან მოსაწვევი გაეგზავნა ყველა ჟურნალისტს და მათ შორის მათ ვინც ერთი თვის წინათ უკადრებელს კადრულობდა.

სხვა “კორპუსებში” სიები არ ვიცი როგორ განაწილდა, მაგრამ ეჭვი არ მეპარება იქაც იგივე ხდება. საქმე მოსაწვევში რომ იყოს რა გვიჭირს, სულაც სახლში დარჩება კაცი და ამ გარეწრების გვერდით არ დაჯდება იქ, სადაც ისინი დიდი სიამოვნებით აპირებდნენ რევოლუციას, სისხლისღვრას და ამისათვის მებრძოლებიც ჰყავდათ გამოწერილი უკრაინიდან. საქმე უფრო იქეთ მიდის, რომ ამ ზეიმზე მოსაწვევების შემდგენმა 2018 წლის 29 ოქტომბერს არსებული განწყობა უცებ დაივიწყა, რომელიც მოკლედ ასე შეგვიძლია დავახასიათოთ – შეგვეშალა, გვაპატიეთ, მოდით ისევ ერთად ვიბრძოლოთ, დავაღწიოთ თავი ამ ჭირს და მერე საბოლოოდ შევცვალოთ გარემო.

დაივიწყეს სულ რაღაც ორ კვირაში და გაგრძელდა იგივე. გაგრძელდა ცხოვრება, სადაც ისევ ამოქმედდა ფორმულა “ჩვენ გავიმარჯვეთ”, “ჩვენ უთქვენოდაც მაგრები ვართ”. აქედან გამომდინარე გუშინდელი თანამებრძოლი საჭირო აღრაა. ტვირთადაც კი შეიძლება მოეჩვენოს გამარჯვებულს ძველი თნამებრძოლები (ისინი უცებ გაახსენდათ გაჭირვებაში და ე.წ. 2012-იანების ხელახალი რეკრუტირება გამოაცხადეს, თუმცა აღმოჩნდა, რომ ძალიან ცოტა ხნით და ძლიან კონკრეტული მიზნისათვის), მათთვის უფრო ძვირფასია ტოლერანტობისა და მიმტევებლობის თეატრის დადგმა თავის გროტესკული პერსონაჟებით, “მასმედიის კორპუსებით” და სხვა ოინბაზებით.

ვინმემ არ ჩათვალოს, რომ მე ეს ნანატრი მოსაწვევი არ მაქვს, ორი ცალი მოგვცა პრეზიდენტმა და დიდი მადლობა მას, მაგრამ აღარ მაქვს იგივე ცხოვრების წესის სურვილი რასაც 2 თვის წინათ ვითმენდი. აღარ მაქვს სურვილი 2020 წელს ვინმეს შეწუხებულ თხოვნას ვუსმენდე ტელევეკრანიდან, მითუმეტეს ისეთი ადამიანის, ვინც ქვეყნისათვის ბევრი გააკეთა.

არ მინდა 2020 წელს ვუყურებდე გაქსუებულ “ახალ სახეებს”, რომლებიც ბრძოლისას მუდმივად სხვას ეფარებიან ზურგსუკან და ზეიმზე პირველ რიგში სხედან. სხედან იმ ადამიანების გვერდით, რომლებიც გუშინ ჩვენ გვემუქრებოდნენ და თუ მოიგებდნენ ან მომავალში მოიგებენ ჩვენ შეცდომით არ გამოგვიგზავნიან საზეიმო მოსაწვევს.
ასეთ შემთხვევაში რასაც გვიმზადებდნენ დიდად არც მალავდნენ წინასაარჩევნოდ. მე კი მაინც მოვემზადები, ჩაცმულობა ოფიციალურიო ასე წერია მოსაწვევზე და ჩემი არაოფიციალური ლექსიკით და ჩაცმულობით დისონანს არ შევიტან საყოველთაო ზეიმში.

თქვენი კომენტარი?
IMG.GE