გავიმარჯვებთ ჩვენ და ისე დაგსჯით, რომ დაგაწყევლინებთ დაბადების დღეს. ეს მელაძესაც ეხება – ირმა ინაშვილის კომენტარი TV პირველზე გასული სიუჟეტის შესახებ

2205
წაკითხვა/ნახვა
IMG.GE

ჩვენ ვიხილეთ მორიგი ცილისწამება და ტყუილი, რაც არაა გასაკვირი ნოდარ მელაძისგან. მზად ვარ, დავიკითხო სიცრუის დეტექტორზე, რომ არც 2 მილიონი ამიღია, არც 1 მილიონი და საერთოდ, არც 1 ლარი. ეს არჩევნები მაინც უთანასწორო ომში გავატარე.”- ასე ეხმიანება ირმა ინაშვილი tv პირველის ეთერში ჩხარტიშვილი-ბედუკაძის საუბრის ჩანაწერს ციხის კადრებთან დაკავშირებით.

“უბრალოდ, წარმოუდგენელი, ამაზრზენი ცილისწამებაა, რაც ახალი არაა ჩემთვის.

ახლა მეორე: იგივე ტვ პირველი ამბობდა, რომ რუსებმა 8 მილიონი მოგვცეს არჩევნებზე. არადა, არჩევნებზე 600 000-იც არ დაგვიხარჯავს და ეს უკვე დადასტურებული ფაქტია, რომ 500 000-ზე ცოტა მეტი დავხარჯეთ. თანაც, ნახევარი სახელმწიფო დაფინანსებაა.

მესამე- ვანო ჩხარტიშვილს ციხის კადრებთან არავითარი შეხება არ ჰქონია. მოკლედ, ყველაფერი მორიგი ტყუილია, მაგრამ რადგან ასე გსურთ, საზოგადოებას კვლავ გავახსენებთ, როგორ აწამებდით ხალხს. ხომ ეს გინდოდათ, თქვე სადისტებო.

რაც უნდა ილაპარაკოთ ტყუილ 2 მილიონზე და არარსებულ 8 მილიონზე, იმდენად ჩლუნგები ხართ, რომ ვერ ხვდებით: ვერავის დაავიწყებთ და არავის დაავიწყდება, რომ ხართ ადამიანის მწამებლები, გამაუპატიურებლები და მკვლელები.

გავიმარჯვებთ ჩვენ და ისე დაგსჯით, რომ დაგაწყევლინებთ დაბადების დღეს. ეს მელაძესაც ეხება.”- აცხადებს ირმა ინაშვილი.

თქვენი კომენტარი?