სეირის მაძიებელი მედიის მხრიდან რაღაც მექანიკური შეცდომით გაჯერდა სივრცე. ან დამირეკეთ და მკითხეთ სწორად გაიგეთ თუ არა – ნინო წილოსანი

312
წაკითხვა/ნახვა
IMG.GE

საპარლამენტო უმრავლესობის წევრ ნინო წილოსანის გამოხმაურება სოფელ ბუკნარში არსებული დაპირისპირების დროს, მის მიერ წარმოთქმულ ფრაზაზე “ქართველები და მუსლიმები”, რასაც სოციალურ ქსელში ქილიკი მოჰყვა.

“სამწუხაროდ , ხშირად ადამიანებს წაკითხულის ან მოსმენილიდან შინაარსის გამოტანა უჭირთ. ამოგლეჯილად რაღაც სიტყვას ჩაეჭიდებიან და მერე მთლიან კონტექსტს კარგავენ. ეს საბჭოთა განათლების სისტემამ დაგვიტოვა და ვშიშობ ახლაც განსაკუთრებთ მაღალ საფეხურზე არ უნდა ვიყოთ ამ კუთხით..

მთელი ჩემი გურიაში ჩასვლის, ადგილობრივი ქრისტიანი და მუსლიმი მაცხოვრებლების უთანხმოების განმუხტვის მცდელობა და ყველა ჩემი კომენტარი იმ განწყობას იზიარებდა, რომ ჩვენი მუსლიმი მოქალაქეები საქართველოს, ჩვენი ქვეყნის შვილები არიან და რომ საქართველოს ქრისტიან და მუსლიმ შვილებს გასაყოფი არაფერი აქვთ!!

ამის პარალელურად სეირის მაძიებელი მედიის მხრიდან რაღაც მექანიკური შეცდომით გაჯერდა სივრცე. ან დამირეკეთ და მკითხეთ სწორად გაიგეთ თუ არა, ან დაინტერესდით ვგულისხმობდი თუ არა რასაც დაატარებთ წინ და უკან… ერთი ორი გამონაკლისი ჟურნალისტის გარდა, ეს სტანდარტი სხვებისთვის ალბათ არაამქვეყნიურია.

ამიტომ აქ კიდევ ერთხელ ვამბობ, რომ საქართველოს მოქალაქე – ქრისტიანი, მუსლიმი თუ სხვა რელიგიური მრწამსის ადამიანი არის ჩვენი ქვეყნის შვილი და სახელმწიფოს მხრიდან ექნება თანასწორი მხარდაჭერა, ისევე როგორც დაფასება.
ამ პოსტის ბოლოს კი კითხვა: მართლა შინაარსი ვერ გაიგეს თუ განზრახ მავნებლობას ჰქონდა ადგილი (?)”– წერს ნინო წილოსანი.

ამ თემაზე:

თქვენი კომენტარი?