ბოლო ამბები
მაისი 27, 2024

კი, მამაჩემი სოჭში ცხოვრობს და რესტორანში მღერის, რუსეთს კი ყველგან დამარცხებას და გამათხოვრებას ვუსურვებ – გიორგი სუხიტაშვილი

მაი12,2023
გაზიარება

“მოკლედ, ჩემი და ჩემი ოჯახის გაშავების მორიგი მარაზმი წამოიწყეს.
როგორც კი რუსეთს ვახსენებ ეგრევე მამაჩემზე იწყებენ თითის გაშვერას.
კი, მამაჩემი სოჭში ცხოვრობს და რესტორანში მღერის, ქართველებთან ერთად.
ამას მაძახებენ თითქოს მამაჩემი ოლიგარქი, ბიზნესმენი ან კრემლთან დაახლოვებული იყოს.”– წერს სოციალურ ქსელში მომღერალი გიორგი სუხიტაშვილი.

“მამაჩემი არის შესანიშნავი მუსიკოსი და ბევრ ძალად ქართველზე პატრიოტი!
20 წელია რაც იქ შრომობს, ისევე როგორც ბევრი მიმტანი, ხელოსანი და ა.შ.
თურმე, თუ მამაშენი რუსეთში ცხოვრობს ესეიგი უნდა ემხრობოდე ოკუპაციას, რუსი ღორების აქ პარპაშს, უნდა ამართლებდე ჩვენი დევნილების ყოფას და უნდა ეგდო ჩუმად.

როცა მამაჩემი წავიდა სხვა არჩევანი არ ჰქონია, ჩვენ პატარები ვიყავით, დიდი ოჯახი ჰქონდა სარჩენი, ჩვენ უმამოდ დავიზარდეთ და ეს მსხვერპლი ცეკვა-თამაშით არ გაუღია.

დაახლოებით ჩემ ასაკში წავიდა და ახლა 60 წელს გადასცდა, მე თუ მკითხავთ არ მიხარია, რომ მამაჩემი იქ არის სადაც არის, არც ის მახარებს, რომ ზოგადად ქართველები რუსეთში ცხოვრობენ.

“რუსეთიდან გამოგზავნილი ფულები კარგია?”
“მამაშენმა უნდა იშოვოს ფულები და ქართველმა გლეხმა არა?”
“გშურს რომ სხვაც კარგად იქნება?”

აი ეს არის ძირითადი პათოსი.

მე ვამაყობ ჩემი მშობლებით და ჩემი ოჯახით. თუ ჩემზე რამე გაქვთ თქვით, ჩემს ოჯახს შეეშვით! ადამიანები მლანძღავენ რუსეთი რომ არ მინდა იმის გამო.
თქვე უსისხლოებო, თქვენი ოჯახის წევრი რომ იყოს რუსეთში, ისე, როგორც მამაჩემია, ალბათ საქართველოს დროშაზე დააფსამდით! დიდება საქართველოს, დიდება ჩვენს გმირებს.

მტერს (რუსეთს) ყველგან დამარცხებას და გამათხოვრებას ვუსურვებ.
მამაჩემს და ყველა მისნაირ პატრიოტს ვუსურვებ საკუთარ სამშობლოში ჰქონოდეთ ის დაფასება და პატივი, რასაც იმსახურებენ!

კი მამაჩემი სოჭში ცხოვრობს და ჩვენი სამშობლო საქართველოა!
რუსეთი მტერია, ხოლო ამ თემით ჩემი გაშავება არია დედა მო**ნულობა!

რუსეთის ნაბიჭვრობას მამაჩემით და მამაჩემის დარად რუსეთში მაცხოვრებლებით ვერ “გააპრავებთ”. მამი მიყვარხარ და ბოდიში”– წერს გიორგი სუხიტაშვილი.

სხვა ამბების წაკითხვა