ე.წ ღორის გრიპით ამჯერად 30 წლის ქალი გარდაიცვალა

290
წაკითხვა/ნახვა
_____________________________________ IMG.GE

ქუთაისში H1N1 გრიპის ვირუსით კიდევ ერთი ადამიანი გარდაიცვალა.  გარდაცვლილი ახალნამშობიარები ქალია. ჯანდაცვის მინისტრმა დავით სერგეენკომ ეს ფაქტი დაადასტურა.

30 წლის ქალი დასავლეთ საქართველოს სამედიცინო ცენტრში რამდენიმე დღის წინ შემოიყვანეს. ექიმის ინფორმაციით, 38 კვირის ორსული საავადმყოფოში სუნთქვის მწვავე უკმარისობით და ცხელებით შემოვიდა.

როგორც საავადმყოფოში აცხადებენ, გარდაცვალების მიზეზი მძიმე ფორმის ვირუსული პლევმონია, სეფსისი და სეპტიური შოკი, ასევე პოლიორგანული უკმარისობა გახდა.

პაციენტი კლინიკაში შემოსვლისას რთულ მდგომარეობაში იმყოფებოდა. ქალის შემოყვანიდან 24 საათის განმავლობაში ჩატარდა საკეისრო კვეთა, პაცინეტის მდგომარეობა კი კვლავ მძიმე იყო.

ექიმების თქმით, დაავადება განვითარდა აგრესიულა, რის შემდეგაც მართვით სუნთქვაზე რეანიმაციაში იმყოფებოდა. ბავშვის ჯანმრთელობის მდგომარეობა დამაკმაყოფილებელია.

ეს H1N1 ვირუსით გარდაცვალების მეორე ფაქტია. ბათუმის რესპუბლიკურ საავადმყოფოში გრიპის ვირუსით გუშინ 53 წლის ქალი გარდაიცვალა.

თქვენი კომენტარი?
IMG.GE