დაბრუნდით, ხალხო! საკუთარ ოჯახებში დაბრუნდით – ბონდო მძინარაშვილი

333
წაკითხვა/ნახვა
IMG.GE
ბონდო მძინარაშვილი - ჟურნალისტი

26 დეკემბერს ძალიან საინტერესო “ღამის სტუდია” მქონდა. თემა – თქვენი 2018 წელი. ძალიან პოლიტიზებულია ხალხი. იმის ნაცვლად, რომ საკუთარ სიხარულსა თუ სატკივარზე ესაუბრათ, – რამ გაახარა 2018 წელს, ანდა რამ დაამწუხრა, – ხალხი მაინც საქვეყნო პრობლემებზე საუბრობდა.

არადა, თითოეულ ჩვენგანს გვაქვს ჩვენი სიხარული და ტკივილი: ზოგს შვილი ან შვილიშვილი შეეძინა, ზოგმა შვილი დააქორწინა, ზოგმა ოჯახის წევრი დაკარგა…
ხალხი კი საუბრობს ზოგადსაკაცობრიო პრობლემებზე.

ჩვენ ნელ-ნელა ვკარგავთ საკუთარ თავს, საკუთარ ბედნიერებას… საკუთარ ტკივილსაც ვერ ვგრძობთ… და ვიწყებთ ცხოვრებას სხვისი ცხოვრებით.
დაბრუნდით, ხალხო! საკუთარ ოჯახებში დაბრუნდით!

განა, რომელიმე პოლიტიკოსის გამარჯვება შვილის გაჩენაზე მეტად სასიხარულოა?! განა, რომელიმე პოლიტიკოსის მარცხმა ოჯახის წევრის დაკარგვაზე მეტად დაგამწუხრათ?!
დროა, ჩვენც, პოლიტიკოსებმა და ჟურნალისტებმაც შევიგნოთ, რომ არ შეიძლება ხალხის ემოციებით მანიპულირება!

თქვენ კი, ჩემო მეგობრებო, ამ სტატუსის კომენტარად დაწერეთ, რით იყო თქვენთვის გამორჩეული 2018 წელი – რამ გაგახარათ და რამ გაგაბრაზათ ან დაგამწუხრათ!

თქვენი კომენტარი?
IMG.GE