სოციალურ ქსელში გავრცელებულ ფოტოზე სატრანსპორტო კომპანია განცხადებას ავრცელებს

318
წაკითხვა/ნახვა
IMG.GE

თბილისის სატრანსპორტო კომპანია ეხმაინება სოციალურ ქსელში დღეს გავრცელებულ ფოტოს, რომელშიც ჩანს ხალხის დიდი ნაკადი ერთ-ერთ მეტროსადგურში. სოციალური ქსელის მომხმარებლები ამ ფოტოთი ვირუსის მატების საფრთხეებზე მიანიშნებენ.

“გვსურს, გამოვეხმაუროთ სოციალურ ქსელში გავრცელებულ ფოტომასალას,
რომელიც თბილისის მეტროში მზგავრთა ჭარბ რაოდენობას ასახავს. თბილისის
მეტრო დღეს ჩვეულ რეჟიმში, ყოველგვარი ტექნიკური შეფერხების გარეშე
ფუნქციონირებს.

პიკის საათის დროს კი მატარებლების მოძრაობის ინტერვალი საბურთალოს ხაზზე შემცირებულია 3.5, ხოლო პირველ ხაზზე – 2.5 წუთამდე.

გავრცელებული ფოტო გადაღებულია მეტროსადგურ „სადგურის მოედანი 2-ის“
ტერიტორიაზე, რომელიც პირველი ხაზიდან საბურთალოს ხაზზე გადასასვლელს
წარმოადგენს.

აღნიშნულ მონაკვეთში ზოგადად, თავს იყრის შედარებით მეტი მგზავრი, თუმცა, არსებული განრიგები საშუალებას გვაძლევს, დროულად და სწრაფად უზრუნველვყოთ მათი გადაადგილება.

რაც შეეხება მგზავრებისთვის დაწესებულ შეზღუდვებს, კვლავ ძალაში რჩება
პირბადით გადაადგილების აუცილებლობა. თბილისის მეტროსადგურებში
მგზავრები პირბადის გარეშე არ დაიშვებიან და რეკომენდაცია, რომელიც მიზნად
ისახავს ვირუსის გავრცელების პრევენციას, კომპანიის შესაბამისი სამსახურების
მიერ მკაცრად კონტროლდება.”- ნათქვამია განცხადებაში.

თქვენი კომენტარი?