გამოწვევა მიღებულია და ამ ცინიკურ გამოწვევას ქართველი ხალხი აუცილებლად უპასუხებს – ირმა ინაშვილი

789
წაკითხვა/ნახვა
IMG.GE

პარლამენტის ვიცე-სპიკერ ირმა ინაშვილის პოზიცია მოსამართლეების დანიშვნასთან დაკავშირებით მიმდინარე დაპირისპირებაში.

“მოსამართლეების თემის ირგვლივ საუბარი უმრავლესობის როგორც ე.წ. ძველ გვარდიასთან, ისე ახლების შემადგენლობასთან მქონდა. მდინარაძე-მათიკაშვილის მხარე აცხადებს, რომ მოვლენებს წინ რატომ უნდა გავუსწროთ?! შემოვიდეს სია პარლამენტში, ვნახოთ, რა სია იქნება, დავიწყოთ მსჯელობა და ბოლოს და ბოლოს, არ დავუჭიროთ მხარი. ამასობაში, პარლამენტმა დაიწყოს სათანადო საკანონმდებლო პაკეტის მომზადება და მიღება, რაც ფაქტია, რომ დროსთანაა კავშირში, მაგრამ მაინც. თუ პარლამენტი იუსტიციის საბჭოს მიერ წარმოდგენილ მოსამართლეთა სიას (ერთი და იგივე კანდიდატურის წარდგენა მხოლოდ 2-ჯერაა შესაძლებელი) ორჯერ ჩააგდებს, მაშინ მესამედ იუსტიციის საბჭო იგივე სიით შემადგენლობას ვეღარ წარადგენს!

მაგრამ კითხვაც იმაშია: ჩააგდებს კი? მდინარაძე-მათიკაშვილ-თალაკვაძის განმარტებით, არავითარი ზეწოლა დეპუტატებზე არ იქნება, პროცესს საზოგადოება საჯაროდ დააკვირდება და ყველას ესმის, რომ თუ უმრავლესობა ხალხის ნების წინააღმდეგ წავა, შედეგიც ადეკვატური იქნება- მასობრივი პროტესტი! ე.წ. ძველების შემადგენლობა, რომელსაც სააკაშვილის რეჟიმის ბუნებასთან პირდაპირი შეხება ჰქონდა და რომელმაც საკუთარ თავზე გადაიტანა რეჟიმის მოსამართლეების განაჩენების არაადამიანურობა და სიმძიმე, გაცილებით მწვავეა მის პოზიციებში და აცხადებს, რომ იგივე შემადგენლობით სიის მორიგჯერ წარმოდგენა პარლამენტში, ეს პარლამენტის შეურაცხყოფაა და სია უნდა შეიცვალოს! ჩინჩალაძეების, გვრიტიშვილების, მურუსიძეებისაგან სასამართლო სისტემა საბოლოოდ უნდა გაიწმინდოს. რეალურად ეს პოზიციები ფიქსირდება! დანარჩენს თავად გაარკვევენ – გუნდში! შევეცადე მარტივად გამეშალა სურათი.

ახლა, რა მინდა, რომ ვთქვა: უნდობლობაა ხალხში! ვერ ხედავს და ვერ გრძნობს ხალხი, რომ საპარლამენტო უმრავლესობის ლიდერები მკაფიოდ ეწინააღმდეგებიან და აპროტესტებენ წარმოდგენილ სიას! ეს იწვევს, ერთის მხრივ, უნდობლობას, ეჭვს და , მეორეს მხრივ, სიბრაზეს, ამიტომ მკაფიო პოზიციების დაფიქსირება იქნება საჭირო უმრავლესობის ლიდერების მხრიდან! ეს ის მომენტია, როცა პლასტელინობა დაუშვებელია! იუსტიციის უმაღლესი საბჭო კია „უმაღლესი“, მაგრამ არ დგას პარლამენტზე მაღლა და საქართველოს პარლამენტმა საბჭოს ეს უნდა აჩვენოს! უნდა აჩვენოს, როგორ გამოხატავს ხალხის ნებას! ამასთან, ჩემი პოზიციაა, რომ სასწრაფოდ უნდა დავიწყოთ არსებული ფორმით იუსტიცის საბჭოს სტრუქტურისა და ფუნქციების ტრასფორმაციის პროცესი, სასწრაფოდ უნდა განვახორციელოთ მთელი რიგი საკანონდებლო, საკონსტიტუციო ცვლილებები, რაც გარდაუვალი იქნება. წინააღმდეგ შემთხვევაში, ვერც მართლმსაჯულებას დავიცავთ, ვერც სასამართლოს იმიჯს, ვერც ქვეყანას და ვერც სახელმწიფო ინტერესებს, მუდმივად ვიქნებით ჩინჩალაძე- მურუსიძე-გვრიტიშვილის შანტაჟის ქვეშ და შანტაჟს ყველა ნიშანი სახეზეა, თუნდაც, მურუსიძის დანიშვნა, რაც საპასუხო რეაქცია იყო პარლამენტის გადაწყვეტილებაზე,- შეეჩეერებინა მოსამართლეთა წარმოდგენილი სია.

მოკლედ, საჭიროა სიმტკიცე და პრინციპულობა! ჩინჩალაძე- მურუსიძე- მიქაუტაძე- გვრიტიშვილებს და კიდევ სხვებს უნდა ესმოდეთ, რომ მათი გამოწვევა მიღებულია და ამ ცინიკურ გამოწვევას ქართველი ხალხი აუცილებლად უპასუხებს!!! უკვე ვხედავ, რომ ეს პასუხი უმკაცრესი იქნება!”- აცხადებს ინაშვილი.

თქვენი კომენტარი?
IMG.GE