ბოლო ამბები
ივნისი 17, 2024

იძულებული ვარ, საჯაროდ მოვუწოდო პრემიერ-მინისტრს, რომ მოიწვიოს უშიშროების საბჭო – პრეზიდენტი

ივნ24,2023
გაზიარება

საქართველოს პრეზიდენტის განცხადებით, რუსეთში მიმდინარე დაპირისპირებისა და ამბოხის ფონზე საქართველოს ხელისუფლებამ ქმედით ნაბიჯები უნდა გადადგგას სასაზღვრო კონტროლის მხრივ და მოიწვიოს უშიშროების საბჭო.

როგორც სალომე ზურაბიშვილმა დღეს გამართულ ბრიფინგზე განაცხადა, მას ჰქონდა კომუნიკაციის მცდელობა როგორც შინაგან საქმეთა მინისტრთან, ასევე სახელმწიფო უსაფრთხოების სამსახურთან, თუმცა მან ვერანაირი ინფორმაცია ვერ მიიღო და ამ დრომდე უცნობია, თუ რას აპირებს საქართველოს სახელმწიფო შექმნილი ვითარებიდან გამომდინარე.

სალომე ზურაბიშვილი საჯაროდ მოუწოდებს პრემიერ-მინისტრ ირაკლი ღარიბაშვილს, რომ მოიწვიოს უშიშროების საბჭო.

“როგორც ქვეყნის პრეზიდენტი და უმაღლესი მთავარსარდალი ვალდებული ვარ დეტალურად გავეცნო მოვლენების განვითარებას და ყველა შესაძლო გავლენას ქვეყნის ინტერესებზე. ამიტომ გავეცანი ჩვენი თავდაცვის ძალების მეთაურის, გენერალ-მაიორ მათიაშვილის მიერ მოწოდებულ ინფორმაციას რუსეთში განვითარებული მოვლენების შესახებ.სამწუხაროდ, ვერ მივიღე საჭირო ინფორმაცია ვერც ერთი სხვა პასუხისმგებლობის მქონე სახელმწიფო სტრუქტურისგან, ვერც შს მინისტრისგან, რომელსაც ევალება ჩვენი საზღვრის კონტროლი და ამავე დროს როგორც უსაფრთხოების საბჭოს მდივანი, ზოგადად ქვეყნის უსაფრთხოების მნიშვნელოვან საკითხებს უნდა ფლობდეს, ვერც სახელმწიფო უსაფრთხოების სამსახურის ხელმძღვანელისგან, რომლის ერთ-ერთი მიმართულება, საკუთარი უწყების კანონის თანახმად, ქვეყნის საგარეო საფრთხეებისგან დაცვაა; ვერც დაზვერვის სამსახურის ხელმძღვანელისგან, რომელსაც კანონით ევალება საგარეო რისკების განსაზღვრა და ქვეყნის თანამდებობის პირების აუცილებელი სადაზვერვო ინფორმაციით უზრუნველყოფა. არათუ ინფორმაციის მიღება, დაკავშირებაც ვერ მოხერხდა, რაც ამ მდგომარეობაში საგანგაშოა. ამიტომ იძულებული ვარ, საჯაროდ მოვუწოდო პრემიერ-მინისტრს, დაუყოვნებლივ მოიწვიოს უსაფრთხოების საბჭო. მიმაჩნია, რომ რამდენიმე მნიშვნელოვანი საკითხია, რომელიც განხილული უნდა იყოს და დრო აღარ ითმენს. ე

რთი არის საზღვრის კონტროლის გამკაცრება და სავიზო რეჟიმის გადახედვა. მეორე არის სანქცირებული პირების სიების გამოყენება საზღვარზე. ინფორმაციული ვაკუუმი არ უნდა შეიქმნას, საზოგადოებამ უნდა მიიღოს დროულად და დეტალურად მისთვის საჭირო ყველა ინფორმაცია, თუ რა ზომებს იღებს ხელისუფლება, რომ დაცული იყოს ქვეყნის უსაფრთხოება, რათა არ შეიქმნას არც უსაფუძვლო შიშები და ცრუ ინფორმაციის გავრცელება არ მოხდეს”, – განაცხადა პრეზიდენტმა.

სხვა ამბების წაკითხვა