ბოლო ამბები
ივლისი 16, 2024

ეს აღარ არის ქვეყნის შიდა საქმე, ეს საერთაშორისო სკანდალია და შესაბამის რეაგირებას მოითხოვს – ირმა ჭკადუა პოლონელ ექიმზე

ივლ18,2023
გაზიარება

ადვოკატი ირმა ჭკადუა ეხმიანება პოლონელი ექიმის მიერ, მიხეილ სააკაშვილის ბილოგიური მასალის ფარულად გამოტანის მცდელობას და მიიჩნევს, რომ ამ ფაქტს სათანადო რეაგირება უნდა მოჰყვეს:

“ჩემსავით ალბათ გაოგნებულია უამრავი მოქალაქე, ვინც კლინიკა “ვივამედის” ვიდეოკადრები იხილა.

პირველ რიგში, მადლობა სასჯელაღსრულების დეპარტამენტს და მის თანამშრომლებს, ვინც ეს უკანონო ქმედება მყისიერად აღკვეთა, რითიც ჩვენი საზოგადოების და სახელმწიფოს ინტერესები დაიცვეს.

რაც შეეხება კითხვებს, რომლებიც საზოგადოებაში გაჩნდა – მასზე პასუხი ყველა იმ ქვეყანამ და დიპლომატიურმა წარმომადგენლობამ უნდა გასცეს, ვინც ახლოდან აკვირდება მიხეილ სააკაშვილის ჯანმრთელობის მდგომარეობას და მისი უფლებების დაცვის სადარაჯოზეა.

ვფიქრობ, რომ კლინიკა “ვივამედში” მომხდარმა ფაქტმა პარადოქსული ვითარება შექმნა – სააკაშვილის, მისი ოჯახის და პარტიის მოთხოვნები ჩაანაცვლა საზოგადოების ინტერესმა და ჯანსაღმა მოთხოვნამ, კერძოდ, პასუხები შეკითხვებზე – რა ფარულ სპეცოპერაციასთან გვაქვს საქმე? ვინ დგას ამის უკანა? და რა მიზანს ემსახურებოდა პოლონელი ექიმების გამაოგნებელი ქმედება?

ეს ის შემთხვევაა როცა დაუყოვნებლივ უნდა მოხდეს ფაქტის შესწავლა და სიღრმისეული ანალიზი. ამასთან, ყველა საშუალების გამოყენებით, ეს ვიდეომასალა უნდა მიეწოდოს მსოფლიოს წამყვან მედიასაშუალებებს.

ეს აღარ არის ქვეყნის შიდა საქმე, ეს საერთაშორისო სკანდალია და შესაბამის რეაგირებას მოითხოვს. სახელმწიფო უწყებების ჩართულობით ეფექტური კორდინაციით საერთაშორისო დონეზე.

აღნიშნული ფაქტი არ არის მორიგი კურიოზული შემთხვევა “ვივამედში”, მაშინ როდესაც ევროკავშირის წევრი ქვეყნიდან მოწვეული ექიმი იქცევა, როგორც კრიმინალი, და ცდილობს კანონის და წესების გვერდის ავლით იმოქმედოს სტუმრად მყოფ სახელმწიფოში.

ეს, არა რიგითი შემთხვევაა, არამედ ისტორიული მაგალითია. საქართველოს მოქმედმა პრეზიდენტმა კარგად უნდა გაიაზროს მომხდარი ფაქტი და გააკეთოს პოლიტიკური შეფასება! დღეს თუ ვინმე ფიქრობს, რომ ეს უბრალო შემთხვევაა და საზოგადოებას მალე მიავიწყდება, შეუძლიათ დარჩნენ გიორგი ბარამიძის ნაცოდვილარი განცხადების გულშემატკივრად და ჩადგნენ იმ პოლიტიკოსთა რიგებში, რომელთა სიტყვას საქართველოში დიდი ხანია ჩალის ფასი აქვს.”- წერს ირმა ჭკადუა.

სხვა ამბების წაკითხვა