21 წლის ლაშა ჟღენტი პოლიციელებს ძალადობაში სდებს ბრალს და ამის დამადასტურებლად სხეულზე არსებულ დაზიანებები მოჰყავს.
ბიჭის თქმით, შემთხვევა თბილისში, 20 ივლისს, გოგებაშვილის ქუჩაზე მოხდა, როდესაც ის კრიმინალური პოლიციის წარმომადგენლებმა გადამოწმების მიზნით გააჩერეს, რაზეც ახალგაზრდამ მიუთითა, რომ არაეთიკური ქცევა იყო მათი მხრიდან, რა დროსაც დაიწყეს მისი დაკავება და ძალადობაც სწორედ ამ დროს დაიწყო.
ლაშა ჟღენტის ინფორმაციით, მანქანაში ყოფნისას მასზე ძალადობდნენ ფიზიკურად და ემუქრებოდნენ ციხით.
ძალადობისა და ჩხრეკის ფაქტს შეესწრო ლაშა ჟღენტის ძმა.
ახალგაზრდის დედა ამბობს, რომ ამ დღის შემდეგ მასთან ხორციელდება სატელეფონო ზარები შემოთვლებით, რომ გაჩერდნენ და მისი შვილის მიერ, ბოდიშის მოხდის შემდეგ მოგვარდება ყველა პრობლემა, თუმცა, მისივე თქმით, ისინი არ გაჩერდებიან და პასუხს აგებინებენ იმ პოლიციელებს, რომლებიც ძალადობდნენ მის შვილზე.
ლაშა ჟღენტი გამოკითხვაზე დაიბარეს სპეციალურ საგამოძიებო სამსახურში.
შინაგან საქმეთა სამინისტროს კომენტარი ჯერჯერობით არ გაუკეთებია.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს