საქართველოს საკალათბურთო ნაკრებმა მსოფლიო ჩემპიონატი გამარჯვებით დაიწყო

312
ნახვა/წაკითხვა

საქართველოს კალათბურთელთა ეროვნულმა ნაკრებმა იაპონიის კუნძულ ოკინავაზე მიმდინარე მსოფლიოს ჩემპიონატზე პირველი მატჩი მოიგო.

ქართველი კალათბურთელები მწვანე კონცხის კუნძულების (კაბო ვერდე) ნაკრებს დაუპირისპირდნენ და დიდი უპირატესობით 85:60 დაამარცხეს.

პირველი ნახევარი ,,ჯვაროსნებმა” 26-ქულიანი უპირატესობით – 48:22 მოიგეს. მეორე ტაიმში ქართველმა კალათბურთელებმა უპირატესობა შეინარჩუნეს და საბოლოო ანგარიშით 85:60 იმარჯვეს.

ჩვენი გუნდი მომდევნო მატჩს 28 აგვისტოს სლოვენიის ნაკრების წინააღმდეგ გამართავს. შეხვედრა თბილისის დროით 15 საათსა და 30 წუთზე დაიწყება.

მსოფლიო ჩემპიონატი იაპონიის ქალაქ ოკინავაში მიმდინარეობს.