ბოლო ამბები
აპრილი 16, 2024

ის კი ვიცი, რომ ფილმი ჩაწყობით, უკონკურსოდ დაიფინანსა რეჟისორმა ნანა ჯანელიძემ პრემიერ გახარიასგან

სექ28,2023
გაზიარება

“ის კი ვიცი, რომ ფილმი ჩაწყობით, უკონკურსოდ დაიფინანსა რეჟისორმა ნანა ჯანელიძემ პრემიერ გახარიასგან”- წერს კულტურის მინისტრი თეა წულუკიანი, რომელიც ეხმიანება აფხაზეთის ომზე, რეჟისორ ნანა ჯანელიძის ახალი ფილმის, “იარე ლიზა”-ს შესახებ გამოთქმულ მოსაზრებებს და თავად რეჟისორის პროტესტს წულუკიანის მიმართ:

“ამ ფილმის ავტორი ქალბატონი დღეს ჩემგან “იცავს” ქართულ კინოს. ეს ფილმი არ მინახავს და ვნახავ აუცილებლად, ვინაიდან მინისტრი ამ ქვეყნის შვილია და მასაც აქვს უფლება, ჰქონდეს აზრი და ამ აზრის გამოთქმის თავისუფლება (ქალბატონო ნანა!).

მით უმეტეს, რომ ბევრი წელი დავახარჯეთ ბევრმა ადამიანმა იმას, რომ სტრასბურგის სასამართლოს ეთქვა სიმართლე – რუსეთი ოკუპაციას აგრძელებს, ანწუხელიძე, სოფრომაძე და სხვები ოკუპანტმა მოკლა და ქართველების ეთნიკური წმენდა ჩაატარა, და რომ აფხაზეთი საქართველოა!!! ამ დროს, მე იუსტიციაში ვმუშაობდი, თქვენ კი ამ ფილმს იღებდით.

ძალიან დიდი იმედი მაქვს, ეს ფილმი საპირისპიროს არ ამბობს იმისა, რაც სტრასბურგის სასამართლომ თქვა ჩვენზე, ქართველებზე და ჩვენს სიმართლეზე…
მაგრამ ვნახავ და მექნება ჩემი აზრი. ჩემი აზრი თუ არ მოგეწონებათ, მერე მიმართავთ პრემიერ-მინისტრს ღია წერილით და მოსთხოვთ მორიგჯერ, რომ გამაჩეროს (ასე გესმით თავისუფლება და შექსპირის სონეტები, არავიძემ რომ კარგად იცოდა)… და ვერ მიიღებთ სასურველ პასუხს.

ის კი ვიცი, და ამის შესახებ პარლამენტის ტრიბუნიდანაც ვისაუბრე წინა კვირაში, რომ ფილმი ჩაწყობით, უკონკურსოდ  დაიფინანსა რეჟისორმა ნანა ჯანელიძემ პრემიერ გახარიასგან. და ახლა ჩაწყობებზე აწყობილი კინოცენტრის რეფორმას უპირისპირდება. გასაგებია”– წერს თეა წულუკიანი.

სხვა ამბების წაკითხვა