“გამოიყენეს ეს ახალგაზრდა ანარქისტი, ასროლინეს მოლოტოვის კოქტეილი პოლიციელზე, მნიშვნელობა არ აქვს ჩემთვის, ვინ არის ეს ადამიანი, მან სცადა პოლიციელის ცოცხლად დაწვა. ჩვენ ვიქნებით დაუნდობელი და უკომპრომისო ყველა ადამიანის მიმართ, , ერთი კი არა, ათასი რომ იყოს, ათასივე წავა ციხეში”- განაცხადა პრემიერმა ირაკლი ღარიბაშვილმა დღეს, ჟურნალისტებთან საუბრისას, როდესაც კომენტარი გააკეთა 7-8 მარტის აქციების საქმეზე დაკავებულ ლაზარე გრიგორიადისზე.
ჟურნალისტებმა მას შეახსენეს, რომ გრიგორიადისი ამ საქმეზე არ არის გასამართლებული და ის ოჯახური ძალადობის საზმეზე გასამართლდა, რაზეც ირაკლი ღარიბაშვილმა უპასუხა, რომ არ აინტერესებს რაზეა გასამართლებული და ხელისუფლება იქნება დაუნდობელი ყველა იმ ადამიანის მიმართ, ვინც იძალადებს სამართალდამცველებზე და ცოცხლად დაწვას დაუპირებს მოლოტოვის კოქტეილებით.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს