პარიზში, პალესტინის მხარდამჭერი აქცია ცრემლსადენი გაზით და წყლის ჭავლით დაშალეს

საფრანგეთის პოლიციამ პარიზში, პალესტინის მხარდამჭერი აქციის მონაწილეებისა და ორგანიზატორების წინააღმდეგ ცრემლდენი გაზი და წყლის ჭავლი გამოიყენა. ინფორმაციას ტელეარხი “France 24” ავრცელებს.

აქციის მონაწილეები სკანდირებდნენ “ისრაელის მკვლელი” და “მაკრონის თანამზრახველი”.

მიუხედავად იმისა, რომ საფრანგეთის შინაგან საქმეთა სამინისტრომ აუკრძალა მომიტინგეებს აქციის ჩატარება, რამდენიმე ასეული ადამიანი, რომელიც პალესტინელ ხალხს უჭერს მხარს, ქუჩაში გამოვიდა.