განათავსე შენი რეკლამა აქ - დარეკე 577 13 11 12 IMG.GE

ზაზა სარალიძე აღკვეთის ღონისძიების გარეშე დარჩა. პროკურატურამ ხორავას ქუჩაზე მოკლული დავით სარალიძის მამისთვის არც პატიმრობა და არც გირაო მოითხოვა. ერთადერთი შუამდგომლობა, რომელიც ბრალდების მხარემ დააყენა, წინასასამართლო სხდომის ჩანიშვნა იყო.

ზაზა სარალიძე ბრალდების ფორმულირებას არ ეთანხმება.

„ვერ გეტყვით, ეს საქმე რატომ არის რუსთავში გადმოტანილი და რატომ იძიებს რუსთავის საოლქო პროკურატურა ამ საქმეს. ჩემთვის არსებითი მნიშვნელობა არა აქვს. ყველა პროკურორი ჩემთვის არის იგივე ფხაკაძე, იგივე გუგუშვილი, იგივე შოთაძე, ვინც ჩემი შვილის საქმის გაყალბებაში მონაწილეობდა. რა ბრალიც მაქვს წაყენებული, არ ვეთანხმები,“ – განაცხადა ზაზა სარალიძემ.

დავით სარალიძის ოჯახის ადვოკატის, ნესტან ლონდარიძის, თქმით, პროკურატურის მიერ აღკვეთის ღონისძიების არგამოყენება ადასტურებს, რომ ზაზა სარალიძე დამნაშავე არ არის.

უფლებადამცველის განცხადებით, შვილმოკლული მამა მსხვერპლია და მას სიტყვისა და გამოხატვის თავისუფლება შეეზღუდა.

თქვენი კომენტარი?