“სახალხო დამცველის მოადგილემ თავს უფლება მისცა აეღო დანამატი 6 ათასი ლარის ოდენობით!”-სოფიო ხორგუანი

298
წაკითხვა/ნახვა
IMG.GE

იურისტი, სოფიო ხორგუანი სოციალურ ქსელში სახალხო დამცველის მოადგილის ხელფასის და დანამატის შესახებ  დოკუმენტს აქვეყნებს, სადაც გიორგი ბურჯანაძის მიერ 2018-2019 წლებში აღებული თანამდებობრივი სარგო და და დანამატია აღრიცხული.

როგორც დოკუმენტიდან ირკვევა ბურჯანაძის დარიცხულმა ხელფასმა 2018 წლის თებერვლიდან 2019 წლის იანვრის ჩათვლით, 72 ათასი, ხოლო დანამატმა 8400 ლარი შეადგინა.

იმიტომ რომ აქ საჯაროდ დავდე პირობა, შევიტანდი წერილებს, საჯაროდ გამოვაქვეყნებ პასუხებსაც;

იმიტომ რომ არასოდეს არცერთმა ჩინმა, მოხელემ თუ რანგირებულმა არ გაბედოს ჩვენი, მოქალაქეების, დაცინვა ან აბუჩად აგდება;

იმიტომ რომ არ არსებობს სახელმწიფო ფული, ეს ჩვენი ყველას საერთო ფულია და მას უნდა გაუფრთხილდნენ;

იმიტომ რომ, როცა თანამდებობებს თანხმდებიან, პასუხისმგებლობაც ატარონ და რაც უფრო მაღალია სტატუსი, მეტია პასუხისმგებლობა, ისინი დაქირავებულნი არიან ჩვენს სამსახურში;

იმიტომ რომ არ არსებობს პრივილეგირებულთა კასტა სამოქალაქო საზოგადოებაში და ერთი მოქალაქე მთელს ინსტიტუტებზე მეტად ძვირფასია;

იმიტომ რომ ვერავინ დააზიანებს ინსტიტუტის რეპუტაციას ისე, როგორც ამ ინსტიტუტის წარმომადგენლის სიტყვა და საქციელი.

სახალხო დამცველის მოადგილემ, რომლის ყოველთვიური ხელფასი 6 ათასი ლარია, თავს უფლება მისცა, ხორავას ქუჩაზე მომხდარი მკვლელობის საქმის შესწავლისთვის დამატებით აეღო დანამატი 6 ათასი ლარის ოდენობით!”- წერს ხორგუანი.

თქვენი კომენტარი?
IMG.GE