მიშამ ისიც თქვა: ვაშაძეს მოშივდაო, ამიტომ წავიდა და ბიძინას საქმე აკეთაო…ბნელ მხარეს გადავიდაო – ნიკა მელიას პასუხი

179
ნახვა/წაკითხვა

ნიკა მელია მის ყოფილ თანამოაზრეებს პასუხობს:

“მიშამ ხომ გითხრათ წადითო და წადით რააა” – ამ ხალხის საყურადღებოდ:

თქვა და გააკეთე არ არის გზა, რომლითაც მე დავდივარ, მითუმეტეს არ მივიღებ ამ მოწოდებას მათგან, ვინც უცნაური ტრაექტორიით იმოძრავა, ხელი მოეცარა და დაბრუნდა.

მიშამ ისიც თქვა: ვაშაძეს მოშივდაო, ამიტომ წავიდა და ბიძინას საქმე აკეთაო…ბნელ მხარეს გადავიდაო.

რა აკეთა და რა როლი შეასრულა კონკრეტულ პროცესებში, ბევრს გვახსოვს…
ახლა კი გაუგებარია იმ ხალხის მოწოდება, რომელიც, მიშას თქმით, მოშიებულ გადამხტარ, გამძღარ და მობრუნებულ შტაბის უფროსთან ერთად, დადის და ამ ხალხს პარტიას, მათ სამართლიან კრიტიკას კი ლანძღვას ეძახის…

სანამ ვინმეს რამეს მოუწოდებთ, სანამ სხვის თვალში ბეწვს დაინახავთ, საკუთარ თავს შეხედეთ გვერდიდან, ამომრჩევლის ან პარტიის რიგითი წევრის თვალით.“- წერს ნიკა მელია.

3 ნოემბერს, თბილისის საქალაქო სასამართლოში ჩართვისას, მიხეილ სააკაშვილმა განაცხადა, რომ ვინც პარტიას აკრიტიკებს, სჯობს წავიდეს.

ნაციონალური მოძრაობის წევრებმა კი ამ განცხადებაში პირდაპირ ამოიკითხეს, რომ სააკაშვილი მიმართავდა ნიკა მელიას და მოუწოდებდა პარტიის დატოვებისკენ.

___________________________