ჟურნალისტ ნუკა არველაძის შეფასება საქართველოსა და მსოფლიოში მიმდინარე პოლიტიკურ პროცესებზე:
“დღეს ვუსმინე ზელენსკის, მერე არესტოვიჩის მარგალიტები წავიკითხე, ურსულა ფონდერ ლაიენის გულისამაჩუყებელი ,,სასწაულიც” მოვისმინე და ერთი დასკვნა გავაკეთე: ეს ყველაზე ცინიკური და ამაზრზენი კატეგორიაა, რომელიც ფიქრობს, რომ შესაძლებელია მოატყუო ხალხი და ეს ჩვეულებრივად გააკეთო, კი შესაძლოა მოატყუო, დააბოლო, გამოიყენო და აქ ჩნდება მაგრამ….
ის, რომ მთელი დედამიწა ლამის იმაზე ლაპარაკობს, რომ დღეს უკრაინაში არნახული კორუფციაა; რომ უკრაინის რადა ზოგადად ყველაფერზე ხელს აწერს, ოღონდაც დაფინანსების მორიგი ტრანში მიიღონ!
ის, რომ ღაზას სექტორში არნახულმა სისასტიკემ შეძრა მსოფლიო და ეს სისასტიკე ორივე მხრიდან ფიქსირდება და ამას ნაკლები სიმძაფრით კი არა საერთოდ არ აშუქებენ – ეს ამაზრზენია
საერთო ჯამში, ომის არქიტექტორების მსხვერპლი ისევ ხალხია, ის მილიონობით ადამიანი, ვისი ცხოვრებაც დაზარალდა მსოფლიოში მიმდინარე ომებით,
იყო ავღანეთი, ერაყი, სირია, და რომელი ერთი….
შემძრა და ძალიან იმოქმედა ჩემზე 7 ოქტომბერს ისრაელზე განხორციელებულმა შეტევამ და დღეს მკლავს კადრები, რაც ღაზას სექტორიდან ვრცელდება!
ორივე მხარე განსაკუთრებული სისასტიკით გამოირჩევა მშვიდობიანი მოსახლეობის მიმართ და ორვე მხარე თავის სისასტიკეს ამართლებს მშვიდობიანი მოსახლეების დაცვის ეგიდით…. სასტიკი ირონიაა!
და ამ ყველაფრის ფონზე, რაც ძალიან მსუბუქად დავწერე, ვხედავ, რომ კიდევ არის მცდელობები ჩვენი ქვეყანა ამ შეუქცევადი ნგრევის მორევში ჩაითრიონ და ამას აკეთებენ ტვინნაღრძონი და გონებაჩლუნგი არასამთავრობო სექტორის და რადიკალური ძალების ხელით და ესენიც მორჩილად წაკუზულები, იმიტომ რომ იციან, ხვალ მათი ანგარიშენი რეალური ფულით შეივსება, მზად არიან ამ მორჩილებაზე, რადგან მათ იციან, ცვლილება არ მოხდება არჩევნებით, რომ ესკალაციის შემთხვევაში ქვეყანა დაინგრევა.
აკეთებენ იმიტომ. რომ ცხოვრების, შემოსავლის და ომის შემთხვევაში ქვეყნიდან გაქცევის გარანტია ხელში აქვთ!
ყველა, ომის არქიტექტორებიც და მათი მონამორჩილი “სბროდი” ძალიან კარგად აცნობიერებს, რომ რუსეთი თავისი პოლიტიკით არ დაუშვებს დაკარგოს სამხრეთ კავკასია და არ დაკარგოს კონტროლი.
დავუშვათ, რომ შესაძლოა დღეს რუსეთს აკმაყოფილებს ეს მდგომარეობა, როცა დასავლეთის გავლენა არ არის სამხრეთ კავკასიის ქვეყნებზე ისეთი, როგორიც იყო სააკაშვილის მორჩილი, მართული, ავტოკრატიული რეჟიმის დროს!
და ამიტომაც დღეს, საქართველოს მიეცა განვითარების და წინსვლის საშუალება,
მითუმეტეს რომ სააკაშვილის რეჟიმის წყალობით, მთელი ჩვენი სტრატეგიული და არსებობისთვის მნიშვნელოვანი ენერგოობიექტები მათ ხელშია!
იმისათვის, რომ იცხოვრო სულ მინიმუმ დენი, გაზი და წყალი გჭირდება
და აი ერთ დღეს რომ დაარტყას თავში და გადაკეტოს დენი და გაზი – რას ვშვებით?
აი იმ იდიოტებთან მაქვს ეს შეკითხვა, ვინც თვლით, რომ საქართველომ და რუსეთმა არ უნდა აღადგინოს დიპლომატიური ურთიერთობა?
დღეს საქართველო ისეთ ძლიერ პოზიცებზეა საგარეო პოლიტიკის მიმართულებით, რომ ეს ძალიან ბევრს ადარდებს, ადარდებთ ის, რომ ვერ შეარყიეს სახელმწიფო,
ვერ შეარყიეს ხელისუფლება და ვერ შეარყიეს ხალხი.
არადა, მცდელობა არ დააკლეს – ყოველწლიური აყირავების ქრონოლოგია რომ დაიდოს მიხვდებით, თუ რამხელა ძალა და ფული აქვთ ამაში დახარჯული.
იმდენსაც ახერხებდნენ, რომ მმართველი ძალის მაღალ ეშელონებში ჰყავდათ “დაკერილი” იდიოტები!
ბოლო ორი წლის მანძილზე ძალიან კარგად გამოჩნდა ჩვენი ქვეყნის ხელისუფლების ძლიერი პოზიცია და გამყარდა კიდეც!
ხელისუფლების და მმართველი გუნდის, რომელიც დიდი უმრავლესობით აირჩია ხალხმა და ლეგიტიმაციაც მისცა!
ძნელი წარმოსადგენია ზეწოლის ის მასშტაბი, რასაც გაუძლო ჩენმა ხელისუფლებამ
და როგორც ახლა და ახლა ვიგებთ, ეს ზეწოლა არ დაწყებულა უკრაინის ომის დაწყების შემდეგ.
ომის არქიტექტორების ამ გეგმაზე უარი საქართველომ ბევრად ადრე თქვა და ფაქტობრივად. პოლიტიკური მანევრირებით შეძლო და ქვეყანას ააცილა უბედურება.
დღეს ბევრი ჩემი კოლეგა არც თავს იღლის და არც ტვინს ატანებს ძალას, რომ სწორად გააკეთოს მიმდინარე ანალიზი, თუმცა მათგან რა უნდა მოვითხოვოთ, როცა პოლიტიკანების “სბროდია”, ქვეყანაში რომლებიც ათი დიპლომით თავს გაწონებენ და თავში ორი გრამი ტვინი არ აქვთ!
ჩვენ, კიდევ გადარჩენის გზას გავდივართ და ასე იქნება უახლოესი მინიმუმ ათი წელი, რადგან მსოფლიო ძალთა ახალი გადანაწილება სხვა პროგნოზის გაკეთების შესაძლებლობას არ იძლევა.
მსოფლიოზე, ლამის 70 წლიანი ჰეგემონიის დათმობა გაუჭირდება ამერიკის შეერთებულ შტატებს, ევროკავშირშიც ისეთი ძვრებია, რომ რამდენად შეძლებს გაუმკლავდეს დღევანდელი ხელმძღვანელობა ეჭვქვეშაა.
რუსეთისა და ჩინეთის ხმამაღალი გამცხადებები, რაც უნდა დაუმალონ ხალხს, მაინც ისმის და ისიც ჩანს, რომ ამ ორ ქვეყანასთან უკვე მოწიწებით ლაპარაკზე გადადიან.
ახლო აღმოსავლეთის ომის გამოყენება კი გლობალური პოლიტიკის არსებულ ველზე მხოლოდ დააზრალებს ჰეგემონიის შენარჩუნებისთვის მებრძოლ ძალებს!!
მითუმეტეს მას მერე, რაც უკრაინაში დაატრიალეს!
ზემოთქმულ ყველა მოვლენას პარალელურ რეჟიმში მიჰყვევა ტექტონიკური ძვრები გლობალურ და ლოკალურ ეკონომიკაში და ეს ცალკე განხილვის თემაა, რაზეც ცოტა მოგვიანებით გაგიზიარებთ ჩემს მიმოხილვას!
ახლა კი მადლობა უფალს, რომ ვართ ქვეყანა, ვისაც კბილებით გვჭირავს არამარტო მშვიდობა, არამედ ქვეყნის სტაბილური განვითარების ღერძიც!
რადგან მყიფეა ნებისმიერი მცდელობა შეინარჩუნო მშვიდობა, თუ ქვეყანა არ განვითარდება და არ გაძლერდება!”- წერს ნუკა არველაძე.
ავტორის შესახებ
