ასეთი ფორმაციის პარლამენტის მიღება არ შეიძლებოდა, ყველაფერი რევოლუციას ექვემდებარება – მამუკა არეშიძე

473
წაკითხვა/ნახვა
IMG.GE

პარტია “ქართული ოცნების”  ორ ჯგუფს შორის არსებულ დაპირისპირებაზე ისაუბრა კავკასიოლოგმა მამუკა არეშიძემ “საერთო გაზეთი”-სთვის მიცემულ ინტერვიუში და განაცხადა, რომ თავიდანვე შეცდომა იყო პარლამენტში იმ ადამიანების მოხვედრა, რომლებიც ერთ პოლიტიკურ ბანაკში ვერ იმუშავებდნენ, რადგან მათ საერთო არაფერი აქვთ, გარდა პირადი ინტერესებისა.

ეს, პირველივე დღეებიდან ჩანდა იმიტომ, რომ კადრები, საპარლამენტო არჩევნებისთვის, გაუგებარი ნიშნით იყო შერჩეული.

აქ, იყო ნათელმირონობა, მეგობრობა, პორტირება, კოაბიტაცია, ფულიანი მაჟორიტარები, ანუ, ყველა სხვა ნიშანი გარდა გუნდის და იდეის მომხრეობისა.

ახალგაზრდები, რომელთაც მაღალი თანამდებობები დაიკავეს, მაშინვე აშკარა იყო, ვეტერანებთან ვერასდროს მოძოვდნენ. არადა, ვეტერანების ზურგზე გადაიარა 2012-მა წელმა, ახალგაზრდების დიდი ნაწილი, იმ პერიოდში, საერთოდ, არავის ახსოვს.

მათ შორის, პარლამენტის თავმჯდომარეც, რომელიც `ქართული ოცნების~ რეგიონალური საკითხების კომიტეტის წევრი იყო და არავითარი განსაკუთრებული აქტიურობით არ გამოირჩეოდა (მაშინ, მე, ამ კომიტეტის თავმჯდომარე გახლდით). ეს დაპირისპირება აუცილებლად მოხდებოდა.

ზუსტად, ანალოგიური ვითარება მეორდება, რაც 1995 წელს პარლამენტში იყო. როცა პარლამენტში `მოქალაქეთა კავშირის~ სახელით შევედით (მაშინ პარტიის წევრი არა, მაგრამ ფრაქციის წევრი გახლდით), უცებ, მაღალ თანამდებობებზე აღმოჩდნენ პირები, რომელთაც საქართველოში არავინ იცნობდა.

იგივე, მიხეილ სააკაშვილი, რომელიც იურიდიული კომიტეტის თავმჯდომარე გახდა. არც ზურა ჟვანიას პარლამენტის თავმჯდომარეობას ვარაუდობდა ვინმე. თუმცა, ზურა ჟვანია და გია ბარამიძე _ ეს ორი ფიგურა ეროვნული მოძრაობის პროცესში აქტიურად ჩანდა და ხალხი მათ იცნობდა. დანარჩენებს არავინ იცნობდა, მაგრამ უცებ, ზოგი ფრაქციის თავმჯდომარე გახდა, ზოგი კომიტეტის, ზოგი ვიცე-სპიკერი და ა.შ. დიახ, მაშინ ფორსმაჟორული სიტუაცია, ომის პერიოდი იყო.

მაგრამ ნუ დაგვავიწყდება: ამ ახალგაზრდებმა მაშინდელი ხელმძღვანელობა. სწორად მოიქცნენ თუ არა, ეს დღევანდელი გარჩევის თემა არ არის, მაგრამ ფაქტია, იგივე მეორდება.

ასეთი ფორმაციის პარლამენტის მიღება არ შეიძლებოდა. ყველაფერი რევოლუციას ექვემდებარება. რევოლუცია ღუპავს პოლიტიკას. რევოლუციური ნაბიჯები არაეფექტურია დღევანდელ გლობალისტურ სამყაროში. ყველაფერი უნდა მოხდეს ევოლუციით. მოკლედ, მივიღეთ ის, რომ უთანხმოების ნაღმი თავშივე იყო ჩადებული და ახლა გასკდა.”– განაცხადა მამუკა არეშიძემ.

თქვენი კომენტარი?
IMG.GE