“როცა ჩემი ოჯახით მხედრიონის ტყვიებს ვემალებოდი, ამ საიტის შემოქმედები მოსკოვში სწავლობდნენ”- ასე ეხმიანება ხელოვნების სასახლის დირექტორი გიორგი კალანდია ელენე ხოშტარიასა და ზურაბ ჯაფარიძის ავტორობით შექმნილ საიტ MONA.GE- ზე მისი სახელისა და გვარის გამოქვეყნებას.
“ჩემი ოჯახი არის პრეზიდენტ გამსახურდიას მომხრე და მე გამოვლილი მაქვს, რა არის პოლიტიკური რეპრესიები. სხვათა შორის, ვინც მე დღეს MONA.GE-ზე მათავსებს, ამ საიტის შემოქმედები, როცა ჩემი ოჯახის წევრები და მე თბილისის მიტინგებზე მხედრიონის ტყვიებს ვემალებოდით. ისინი მოსკოვში სწავლობდნენ”- განაცხადა გიორგი კალანდიამ “იმედის კვირისთვის” მიცემულ კომენტარში.
როგორც ცნობილია, გიორგი კალანდია სასამართლოში ჩივილს აპირებს.
შეგახსენებთ, ელენე ხოშტარიასა და ზურა ჯაფარიძის შექმნილ საიტზე mona.ge – გიორგი კალანდიას ფოტო და გვარ-სახელი გამოქვეყნდა, მასზე წერია, რომ ის ნერგავს თეა წულუკიანის რეპრესიულ პოლიტიკას და არის კულტურის სფეროში რეპრესიების ერთ-ერთი განმახორციელებელი.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს