თითქმის გადაწყვეტილი ამბავია, რომ გაზაფხულზე აუცილებლად დატოვებს პოსტს ირაკლი კობახიძე – საერთო გაზეთი

484
წაკითხვა/ნახვა
IMG.GE

სახელისუფლებლო ცვლილებების მორიგი ტალღა სავარაუდოდ ამ გაზაფხულიდან დაიწყება და თანამდებობრივი გადაადგილებაც განხორციელდება.

ამის შესახებ ინფორმაციას “საერთო გაზეთი” სანდო წყაროზე დაყრდნობოთ ავრცელებს.

გთავაზობთ ამონარიდს სტატიიდან

რესპონდენტი, რომელმაც თავისი ვინაობის გამჟღავნება არ ისურვა, სამთავრობო კულუარებში კარგად ჩახედული პირია, რომელიც ფართო საზოგადოებისთვის უცნობ ბევრ საინტერესო ინფორმაციას ფლობს.

თითქმის გადაწყვეტილი ამბავია, რომ გაზაფხულზე აუცილებლად დატოვებს პოსტს საქართველოს პარლამენტის თავმჯდომარე ირაკლი კობახიძე, რომელიც ერთ-ერთ საპასუხისმგებლო თანამდებობაზე გადაინაცვლებს.

აგრეთვე, საკანონმდებლო ორგანოდან აღმასრულებელ ხელისუფლებაში გადავა რამდენიმე პარლამენტარი.

გაზაფხულზე, შეიძლება ცოტა მოგვიანებით, საქართველოს ახალი პრემიერ-მინისტრი და, შესაბამისად, მთავრობის ახალი კაბინეტი ეყოლება.

ახალ პრემიერ-მინისტრად, თითქმის უკონკურენტოდ და უალტერნატივოდ გიორგი გახარიას კანდიდატურა სახელდება.

გიორგი გახარია, რომელიც ამ შვიდი წლის განმავლობაში `ქართული ოცნების~ ხელისუფლების მინისტრებიდან ერთ-ერთ ყველაზე წარმატებულ და გამორჩეულ მინისტრად შეიძლება ჩაითვალოს, არა მარტო კარგი მენეჯერული თვისებებთ გამოირჩევა, არამედ ის ჩამოყალიბდა საინტერესო პოლიტიკურ ფიგურად, რომელსაც პოლიტიკოსისთვის აუცილებელი ყველა საჭირო თვისება გააჩნია.

როგორც გახსოვთ, გასულ წელს ბიძინა ივანიშვილმა თავადვე აღიარა, რომ “ქართულმა ოცნებამ” განვლილ პერიოდში სერიოზული შეცდომები დაუშვა, რის გამოც ვერ მოხერხდა ეკონომიკური პრობლემის მოგვარება, სიღარიბის დაძლევა, უმუშევრობის აღმოფხვრა, მიგრაციის სახიფათო ტემპების შეჩერება და შენელება, თუმცა მან იქვე ხაზგასმით აღნიშნა, რომ ერთი წლის განმავლობაში (იგულისხმება 2019 წელი) ის შეძლებდა ამ ხარვეზების აღმოფხვრას.

ივანიშვილის ეს განცხადება არ ყოფილა მხოლოდ დაპირება დაპირებისთვის, რომელიც ჩანასახშივე მკვდარია.

ბიძინა ივანიშვილს ნამდვილად აქვს ქვეყანაში არსებული პრობლემების უსწრაფეს ტემპში დაძლევის ზეამბიციური გეგმა, რომლის განხორციელებისთვის სამზადისი უკვე დაწყებულია.

შეძლებს თუ არა იგი ამ გეგმის რეალობად ქცევას? ნახევარი ქვეყანა მხრებზე თუ არ ჩამოეკიდება, რომ როგორმე ხელი შეუშალონ და საქმე არ გააკეთებინონ, შეძლებს! – ასეთი ოპტიმისტური ხასიათისაა ის მოსაზრებები, რომლებიც ჩვენმა რესპონდენტმა “საერთო გაზეთს” გაუზიარა.”- წერია სტატიაში.

თქვენი კომენტარი?
IMG.GE