10 და 11 იანვარს სამების ტაძარში მედიის წარმომადგენლებს მხოლოდ აკრედიტაციით დაუშვებენ

192
ნახვა/წაკითხვა

10 და 11 იანვარს, სამების ტაძარში, მედიის წარმომადგენლებს მხოლოდ აკრედიტაციით დაუშვებენ.

ინფორმაციას საპატრიარქოს საზოგადოებასთან ურთიერთობის სამსახური ავრცელებს.

“გუშინ სამების საპატრიარქო ტაძარში მომხდარი ვანდალური აქტიდან გამომდინარე, დღეს და ხვალ საკათედრო ტაძარში მედიასაშუალებების წარმომადგენელთა დაშვება შესაბამისი აკრედიტაციის გარეშე შეიზღუდება.
აღნიშნული გადაწყვეტილება მიღებულია შემდგომი გაუგებრობისა და ტაძარში დაძაბულობის თავიდან ასაცილებლად.”– ნათქვამია ინფორმაციაში.