ლადო აფხაზავას მეც ვგულშემატკივრობდი, მაგრამ მილიონის შეგროვების კამპანია არის ძალიან არასწორი – მერაბ მეტრეველი

451
წაკითხვა/ნახვა
IMG.GE

ჟურნალისტი მერაბ მეტრეველი პედაგოგ ლადო აფხაზავასთვის მილიონი ლარის შეგროვების კამპანიას არასწორად მიიჩნევს.

“ლადო აფხაზავას მეც ვგულშემატკივრობდი, მაგრამ მისთვის მილიონის შეგროვების კამპანია არის რბილად რომ ვთქვათ, ძალიან არასწორი იმ ფონზე, როდესაც აქ უამრავი ბავშვის ფოტო იდება, რომლებიც სასიკვდილო სენს ებრძვიან. რამდენიმე ათასს ითხოვენ მათ დასახმარებლად და ამის შეგროვება ჭირს.

თუ მილიონის შეგროვება შეგიძლიათ, ამ ბავშვებს დაეხმარეთ. იცით, რამდენი ბავშვის სიცოცხლეს გადაარჩენთ?! გული მისკდება მათ ფოტოებს რომ ვუყურებ და აღარ ვიცი რამდენს გავწვდე. რა ლადო აფხაზავა!

ასევე ბევრი ფონდიც მუშაობს ამ მიმართულებით, მაგრამ მაინც ვერ წვდებიან იმდენი ბავშვია დასახმარებელი. იცით, დიდი ხნის წინ სწორედ ბავშვების დასახმარებლად ჟურნლისტებმაც შევქმენით „დიტო ცინცაძის ფონდი“, მაგრამ სწორედ რესურსების ნაკლებობის გამო ეს ფონდი მხოლოდ ონკოლოგიურ პაციენტებს ეხმარება.

სხვები კი ისე რჩებიან, რადგან ყველას ვერ წვდები. მათ შორის ამავე მიზეზით მთავრობის მიერ შექმნილი „სოლიდარობის ფონდიც“ მარტო ონკოლოგიურ პაციენტებს ეხმარება. ერთხელ ერთმა ქალმა გვითხრა, ნეტა, ჩემს შვილსაც კიბო დამართნოდაო. თქვენ კიდევ ლადო აფხაზავაო,”– წერს მერაბ მეტრეველი.

თქვენი კომენტარი?