სოფელ ნერგეეთში, მეწყერში მოყოლილი კიდევ ორი ცხედარი იპოვეს

159
ნახვა/წაკითხვა

შინაგან საქმეთა სამინისტროს საგანგებო სიტუაციების მართვის სამსახურის
მეხანძრე-მაშველებმა, ბაღდათის მუნიციპალიტეტის სოფელ ნერგეეთში, კიდევ ორი
ცხედარი იპოვეს.

უწყების ცნობით, ინტენსიური სამძებრო სამუშაოების შედეგად, ნაპოვნია 8
ცხედარი, ხოლო ძებნა-შველის სამუშაოები გრძელდება 1 პირის მიმართ.

“მეხანძრე-მაშველები, სტიქიის ეპიცენტრში, სამძებრო ღონისძიებას შესაბამისი
აღჭურვილობითა და ტექნიკით მთელი ღამის განმავლობაში განაგრძობენ.
სტიქიის ზონაში იმყოფება შინაგან საქმეთა მინისტრის მოადგილე იოსებ ჭელიძე.
ადგილზე რჩება საგანგებო სიტუაციების მართვის სამსახურის უფროსი თემურ
მღებრიშვილიც, რომელიც სამაშველო სამუშაოებს ხელმძღვანელობს.”– აღნიშნულია განცხადებაში.