ნიკა გვარამიამ მთავარი არხის წილი მეუღლეს გადასცა, თავად კი პოლიტიკურ პროცესებში უკვე ოფიციალურად, პარტიული ხაზით ერთვება.
“მთავარი არხის დირექტორის თანამდებობას ციხიდან გამოსვლის შემდეგ აღარ ვასრულებ (არც ციხიდან ვასრულებდი, ცხადია). დირექტორის მოვალეობას შესანიშნავად გაუმკლავდა გიორგი გაბუნია და ის უკვე ოფიციალურად დაინიშნა არხის დირექტორად. ძალიან დიდი მადლობა არხის ყველა დამფუძნებელს ერთსულოვანი გადაწყვეტილებისთვის. რაც შეეხება ჩემს 12%იან წილს მთავარში, იგი არაა თავსებადი პარტიულ თანამდებობასთან, რომელსაც უახლოეს დღეებში დავიკავებ. ამიტომაც კანონის მოთხოვნა დავიცავი და წილი ჩემს სოფოს გადავუფორმე”, – წერს ნიკა გვარამია ფეისბუქზე.
ნიკა გვარამია ახალი პოლიტიკური პარტიის პრეზენტაციას მარტში გეგმავს, რომლის სახელწოდებაც არის “ახალი”.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს