ამ აღვირახსნილი ფეთხუმების აგრესიული რევანშის საფრთხის საპირწონედ დადგება მთელი საქართველო – დავით მაღრაძე

482
წაკითხვა/ნახვა

პოეტ დავით მაღრაძის განცხადებით, იმ შემთხვევაში თუ ნაციონალური მოძრაობა ხელისუფლებაში დაბრუნდება გამეორდება ყველაფერი ის, რაც მისი თქმით 9 წლის განმავლობაში ხდებოდა ქვეყანაში. მაღრაძე საპრეზიდენტო კანდიდატ გრიგოლ ვაშაძეს რუსეთის მიერ გამოგზავნილ ადამიანს უწოდებს და მიიჩნევს, რომ ოკუპანტის მიზანი საქართველოში არეულობის დაწყებაა, რომელსაც ის გრიგოლ ვაშაძის და მიხეილ სააკაშვილის ბიძა თემურ ალასანიას ხელით აპირებს.

“ეს ხალხი ერთხელ ისტორიულმა შემთხვევითობამ მოახვედრა ხელისუფლების სათავეში და მას მერე განიცდიან, რომ ვეღარ დაიბრუნებენ ამას. გამწარებულები ებრძვიან ყველას, ქართულ იდეას, ქართულ სახელმწიფოს.

დღეს ვისი ინტერესია ჩვენ ქვეყანაშია არეულობა? – ჩვენი მეზობელი რუსეთის, რომელსაც ოკუპირებული აქვს საქართველოს მიწა-წყალი. ადრე მაინც ნიღბავდა თავის  მოქმედების არეალს და უფრო აგენტურული ქსელით მოქმედებდა და დღეს თავისი ოფიციალური თანამშრომლებით გამოვიდა ასპარეზზე, როგორიც არის ამხანაგი ვაშაძე  და სააკაშვილის ბიძა თემურ ალასანია, პირდაპირ, რუსეთმა ეს ადამიანები მივლინებით გამოუშვა საქართველოში და ეს გაამჟღავნა ამხანაგმა ვაშაძემ, დაანონსა, რომ გადაკეტავენ ქუჩებს, ეს მათი ოცნებებია, მაგრამ განზრახვა ხომ გააცხადა – არეულობა ჩვენ ქვეყანაში მოიტანს იმ უბედურებას, რომელიც ჩვენმა ხალხმა არაერთხელ ნახა, თავისი ნავთის რიგით, უშუქობით, უბედურობებით და უსამართლობით, აი ეს არის მათი ჩანაფიქრი. ამ აღვირახსნილი ფეთხუმების აგრესიული რევანშის საფრთხის საპირწონედ დადგება მთელი საქართველო, როგორც ერთი- ქუდზე კაცი”– განაცხადა დავით მაღრაძემ თელავში, სიტყვით გამოსვლისას.

თქვენი კომენტარი?