ადვოკატ შალვა ხაჭაპურიძის განცხადებით, მიხეილ სააკაშვილი შემართებით და ბრძოლისუნარიანობით არის განწყობილი.
ამის შესახებ მან 23 მარტს, ტვ “პირველი”-ს გადაცემა “რეაქცია”-ში სტუმრობისას განაცხადა.
“სააკაშვილი არის საბრძოლო განწყობაზე. ძალიან ბევრი პატიმარი მინახავს, მაგრამ ამ ადამიანის შემართება და ბრძოლისუნარიანობის მსგავსი არ მინახავს”- განაცხადა შალვა ხაჭაპურიძემ.
კითხვაზე, როდის აპირებენ სტრასბურგში საქმის გაგზავნას, ხაჭაპურიძე არ აკონკრეტებს და ამბობს, რომ ამ რამდენიმე დღის განმავლობაში ის დეტალებზე ვერ ისაუბრებს, რადგან არ სურს დააზიანოს მისი კლიენტის ინტერესები.
