ბოლო ამბები
მაისი 21, 2024

დაუშვებლად მიმაჩნია დაჩქარებული წესით რაიმე გადაწყვეტილების მიღება იმ ფონზე, როცა ჩვენი ქვეყნის ყველა პარტნიორი ქვეყნის ლიდერები მოგვიწოდებენ მეტი დაფიქრებისა და ანალიზისთვის

აპრ16,2024
გაზიარება

“მსურს გამოვეხმაურო ჩვენს სამშობლოში მიმდინარე ბოლოდროინდელ მოვლენებს და დავაფიქსირო ჩემი პირადი პოზიცია.
მე როგორც საქართველოს სახელმწიფოს მოქალაქე და როგორც საქართველოს ქრისტეს მართმადიდებელ მხედართა ქართული ეკლესიის მღვდელმთავარი მივიჩნევ რომ ჩვენი თავისუფლების მოყვარე ერისა და ხალხის ისტორიული არჩევანი, რომ საქართველო იყოს ევროპული ოჯახისა და ცივილიზაციის სრულფასოვანი წევრი და განუყოფელი ნაწილი, უნდა იყოს დაფასებული ყველას მხრიდან!”- ამის შესახებ სოციალურ ქსელში წერს “ქრისტეს მართმადიდებელ მხედართა ქართული ეკლესიის ” მღვდელმთავარი გიორგი მარჯანიძე.

ასეთი პოლარიზაციის პირობებში, როცა ჩვენი დაუძინებელი მტერი საზოგადოების ორად გაყოფას მცდელობას არ აკლებს, დაუშვებლად მიმაჩნია დაჩქარებული წესით რაიმე გადაწყვეტილების მიღება, თანაც იმ ფონზე, როცა ჩვენი ქვეყნის ყველა პარტნიორი ქვეყნებისა და კავშირების ლიდერები მოგვიწოდებენ მეტი დაფიქრებისა და ანალიზისთვის, თუ რა შეიძლება მოჰყვეს ახალი კანოპროექტის მიღებას.

მინდა აღვნიშნო, რომ გასულ წელს, ხელისუფლების მიერ კანონის გაწვევის გადაწყვეტილება დადებითად შეფასდა მთელი მოსახლეობის უმრავლესობის მიერ, რაც ვიტყოდი იყო საჭირო და გონივრული გადაწყვეტილება.

ახლაც, ჩვენი მომავალი თაობის მიერ წამოწყებული ჯანსაღი პროტესტის პირობებში, მაქვს იმედი და რწმენა, რომ ვიხილავთ ქვეყნის ევროპული მომავლისთვის სასიკეთოდ გადადგმულ ნაბიჯს, რაც წარმოადგენს საციცოცხლოდ მნიშვნელოვან საჭიროებას საზოგადოების გაერთიანებისა და ქვეყნის ნათელი მომავლისთვის!” – წერს გიორგი მარჯანიძე.

სხვა ამბების წაკითხვა