“ოცნებამ” ამით აღიარა თავისი დიდი შეცდომა და რეალობას გაუწია ანგარიში” – ზაქარეიშვილი

439
წაკითხვა/ნახვა
IMG.GE

“ქართულმა ოცნებამ” იმაზე მეტი შესთავაზა ოპოზიციას, ვიდრე თვითონ ითხოვდნენ. ოპოზიციას დაუდგა ახალი პოლიტიკური სტრატეგიის პროცესი და ახლავე უნდა მიხედონ პროპორციულ სისტემას, თუ ისევ ეცდებიან გააგრძელონ პროცესი, ძალიან სასაცილო და გაუგებარი იქნება”- ასე ეხმაურება პოლიტოლოგი პაატა ზაქარეიშვილი ბიძინა ივანიშვილის ინიციატივას – 2020 წლის საპრლამენტო არჩევნები პროპორციული სისტემით და ნულოვანი ბარიერით ჩატარდეს.

“მე ყოველთვის მოვუწოდებდი ქართულ “ოცნებას” რომ ინიციატივა თავის ხელში აეღო, რაც დააცხრობდა ტემპერატურასაც და ყველა პარტიას ექნებოდა საშუალება პარლამენტში შესვლის.

“ვურჩევდი, რომ მოესმინა შიგნიდან არა მედროვე ხალხისთვის, არამედ გარედან კეთილმოსურნე ადამიანებისთვის. თუ ეს პირადად ბიძინა ივანიშივლის ინიციატივაა, ყოჩაღ მას, თუ სხვამ ურჩია, სად იყო ეს კარგი კაცი.

“ქართულმა ოცნებამ” ოპოზიციას იმაზე მეტი შესთავაზა, რასაც თვითონ ითხოვდა. დღეს ბურთი ოპოზიისკენ მხარეს არის, მას დაუდგა ახალი პოლიტიკური სტრატეგიული პროცესი და ამას უნდა მიხედოს. თუ ისევ გააგრძელებს პროცესს, ეს იქნება გაუგებარი და სასაცილო.

“ეს ინიციატივა ნამდვილად არის დემოკარტიისკენ გადაგმული მნიშვნელოვანი ნაბიჯი. საქართველო უკვე გავიდა დემოკრატიულ მრავალპარტიულ ევროპულ საარჩევნო სისტემაზე. “ოცნებამ” ამით აღიარა თავის დიდი შეცდომა და რელობას გაუწია ანგარიში.

“რაც შეეხება ნულოვან ბარიერს, არ არის იდელაური და ჯანსაღი მოვლენა, ალბათ შუალედური სჯობდა, მაგრამ, მაინც სჯობს იმ მკვდარ სისტემას, რომელიც დღეს გვაქვს.

“ნულოვანი ბარიერის პრეცენდენტი იყო საქართველოში. 1992 წლის ოქტომბრის არჩევნები ჩატარდა ნულოვანი ბარიერით, მართალია, პარლამენტი იყო ძალიან ჭრელი, მაგრამ მასში წარმოდგენილი იყო მთელი ქართული პოლიტიკური სპექტრი. მაშინ მიიღეს საქართველოს კონსტიტუცია და დღეს ცნობილი პოლიტიკოსები, სწორედ ამ პარლამენტიდან წამოვიდნენ”– განაცხადა “რეზონანსთან” პაატა ზაქარეიშვილმა.

თქვენი კომენტარი?