სანამ შეიშმუშნებით და ქალწულებრივ შეშფოთებას გამოთქვამთ, რომ თურმე ვიღაცას სახლში ვიღაც მიუვარდა, სამჯერ დაფიქრდით

1168
ნახვა/წაკითხვა

“თქვენი ტელევიზია და კიდევ აქ მსხდომი ტელევიზიები სახლში გვივარდებით. მინისტრს შეიძლება სახლში მიუვარდე და ჟურნალისტს არა”– ასე უპასუხა კულტურის მინისტრმა თეა წულუკიანმა ტელეკომპანია “ფორმულის” ჟურნალისტს, რომელმაც ჰკითხა, თუ რა კომენტარს გააკეთებდა თათია სამხარაძის სახლში “პოსტვ”-ს ჟურნალისტ ნათია ბერიძის მისვლასთან დაკავშირებით.

მისი თქმით, არ იცნობს თათია სამხარაძეს და არც მის საქმეს შესაძლო სექსუალურ შევიწროვებასთან დაკავშირებით, თუმცა აღნიშნავს, რომ სწორედ ის არის ერთ-ერთი ხელმომწერი სტამბულის კონვენციაზე, რომელიც ქალთა უფლებებს ეხება, რასაც “ქართულმა ოცნებამ” რატიფიკაცია გაუკეთა და ამ კონვენციით საქართველოში ქალები “კბილებამდე” შეიარაღებულები არიან მათი უფლებებით.

რაც ეხება კითხვას თათია სამხარაძის სახლში პოსტვ-ის ჟურნალისტების მისვლასთან დაკავშირებით, წულუკიანმა შეახსენა “ფორმულის” და სხვა ჟურნალისტების სტუმრობა მის სახლში, როდესაც შინ  მოხუცი მშობლები იყვნენ.

“ფორმულა” და სხვა ტელევიზიები, სანამ შეიშმუშნებით და ქალწულებრივ შეშფოთებას გამოთქვამთ, რომ თურმე ვიღაცას სახლში ვიღაც მიუვარდა, სამჯერ დაფიქრდით, იმიტომ რომ ჩვენს სახლში მოვარდნით ხართ დაკავებული, თუ ღმერთი არ გწამთ, სამჯერ არ დაფიქრდეთ და ხუთჯერ დაფიქრდით”- მიმართა თეა წულუკიანმა