ბოლო ამბები
ივნისი 19, 2024

ბოდვა, არაადეკვატურობა, ყალბი ისტერიკა, ველურობა – ლევან ლორთქიფანიძე ირაკლი კობახიძის განცხადებაზე

მაი24,2024
გაზიარება

ბოდვა, არაადეკვატურობა, ყალბი ისტერიკა, ველურობა”- ასე ეხმიანება პოლიტოლოგი ლევან ლორთქიფანიძე პრემიერ ირაკლი კობახიძის განცხადებას ევროკომისარ ოლივერ ვარჰეის სატელეფონო ზართან დაკავშირებით:

“თავისი ერთადერთი ევროპელი მოკავშირის პროტეჟემ დაურეკა, უთხრა, ფრთხილად იყავით, უკიდურეს დაძაბულობასა და საზოგადოების გახლეჩვას ევროკავშირის ქვეყნებშიც კი (სლოვაკეთის მაგალითზე) სავალალო შედეგებამდე მივყავართო… ამას კი ყურმილი არ ჰქონდა დაკიდებული, პანიკა ატეხა პრემიერ ფიცოს ბედის გაზიარებით მემუქრებიან, სუვერენიტეტის დაცვის გამო მოკვლას მიპირებენო. თან კომისრის გვარის დასახელებაც ვერ გაბედა და იდუმალების ბურუსში გახვია თავისი მოკვდინების ამბავი.

სადამ ჰუსეინისთვის და მუამარ კადაფისთვის არ დაურეკავთ და არ უთქვამთ მოგკლავთო, ან სად გაგონილა ტელეფონში გაფართოების კომისრის პირით გითვლიდნენ, წყნარად იყავი, თორემ სლოვაკეთის პრემიერ-მინისტრის მსგავად ქუჩაში დაგცხრილავენო…

ბოდვა, არაადეკვატურობა, ყალბი ისტერიკა, ველურობა, რომლის მთავარი მიზანია ნდობის მოსპობა, თანამშრომლობისა და კომუნიკაციის არხების განადგურება საქართველოსა და ევროკავშირს შორის. კიდევ კარგი, იმ ვარჰეიმ წითელქუდა არ ახსენა ლაპარაკის დროს, თორემ იტყოდა, მგელს უნდა მიუგდონ ჩემი თავი დასაჯიჯგნადო.”– წერს ლევან ლორთქიფანიძე.

ამ თემაზე:

ირაკლი კობახიძე განცხადებას ავრცელებს

ევროკომისარი ოლივერ ვარჰეი ირაკლი კობახიძის განცხადებას პასუხობს

სხვა ამბების წაკითხვა