საფრანგეთის პრემიერ-მინისტრმა, გაბრიელ ატალმა პოსტიდან გადადგომის შესახებ განაცხადა.
ატალის თქმით, პრემიერ-მინისტრობა მისთვის პატივი იყო.
„მიუხედავად იმისა, რომ ალიანსმა მოსალოდნელზე სამჯერ მეტი მანდატების რაოდენობა მიიღო, ჩვენ არ გვაქვს უმრავლესობა. ხვალ დილით ჩემი გადადგომის მოთხოვნას პრეზიდენტს გადავცემ“, – აღნიშნა პრემიერ-მინისტრმა.
ატალის თქმით, ის პოსტზე იმდენ ხანს დარჩება, რამდენსაც მოვალეობა მოითხოვს.
საფრანგეთში საარჩევნო უბნები დაიხურა. წინასწარი ეგზიტპოლის თანახმად, საპარლამენტო არჩევნებში პირველ ადგილს მემარცხენეთა ალიანსი იკავებს, მეორე ადგილზეა მაკრონის პარტია, ხოლო მესამეზე ლე პენის პოლიტიკური გაერთიანება.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს