9 წლიანი ძებნის შემდეგ, ბიზნესმენ ბესიკ ხარძიანის მკვლელობაში ბრალდებული და დაუსწრებლად გასამართლებული პირი დაკავებულია. 38 წლის ფარიდ გურბანოვი თურქეთში, საქართველოს მთავარი პროკურატურის მიერ გადაცემული ოპერატიული ინფორმაციისა და შუამდგომლობის საფუძველზე აიყვანეს.
ამ ინფორმაციას ადასტურებს ახლადარჩეული მთავარი პროკურორი გიორგი გაბიტაშვილი, რომელმაც ჟურნალისტებთან ისაუბრა საქმის მცირე დეტალებზე.
შეგახსენებთ, ბიზნესმენი ბესიკ ხარძიანი 2015 წელს, საკუთარი სახლის სადარბაზოში შეკვეთით მოკლეს. ამ დროისთვის უცნობია, თუ ვინ დგას ამ მკვლელობის უკან.
უახლოეს პერიოდში მოხდება მკვლელობაში ბრალდებულისა და მსჯავრდებულის საქართველოში გადმოყვანა.
ფოტოზე: მკვლელობაში ბრალდებული ფარიდ გურბანოვი.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს