ეს არის ჩემი უტყუარი დაკვირვება ბოლო 20 წლისა – დემურ გიორხელიძე

591
წაკითხვა/ნახვა

დემურ გიორხელიძე – ეკონომისტი (ანალიტიკოსი)


პოლიტიკაში, როგორც წესი,  სამი კატეგორიის ხალხი ტრიალებს.

(მხოლოდ პოლიტიკის სუბიექტებს ვგულისხმობ, რაღაც ფორმით გადაწყვეტილების მიღებაში რომ იღებენ მონაწილეობას – ეს უმცირესი რაოდენობის ხალხია…
ორი ხელის ყველა თითიც კი ზედმეტია მათ ჩამოსათვლელდ… დანარჩენი პოლიტიკის ობიექტებია, ანუ დავალებებს რომ ასრულებენ და სუბიექტებს ემსახურებიან…)

პირველი კატეგორია 


ეს მოწოდებით პოლიტიკოსებია, ანუ ფიქრობენ და აზროვნებენ სრულიად განსხვავებული კატეგორიებით, ვიდრე ეს ყოფით გარემოში ნორმალური ადამიანი აზროვნებენ, აქვთ დამოუკიდებლობის მაღალი ხარისხი, თავისუფლები არიან საკუთარ მისწრაფებებში და არავის ემორჩილებიან, თუმცა, საუკეთესოდ გრძნობენ მსოფლიო პოლიტიკის ნიუანსებს დაზუსტად იციან, რისი გაკეთება შეიძლება საკუთარი სახელმწიფოს და პირადი მისწრაფებების განსახორციელებლად!..
ჩვენი ტრაგედია ისაა, რომ  დამპალი სისტემა და ყმობა/მორჩილებას მიჩვეული ხალხის განწყობა ასეთ პოლიტიკოსს არ გაახარებს საქართველოში, თუ სისტემა არ შეიცვალა.


მეორე კატეგორია

ეს მედროვე პიტალო ფალოსებია,  უუნარონი და პოლიტიკოსის არცერთი პარამეტრის არმქონენი – „დასავლეთის ორიენტაციას“/„რუსულ ორიენტაციას“ ამოფარებული ადამიანები, რომლებიც ამ უდიდეს ნაკლს იმით ფარავენ, რომ საზიზღარ ლექსიკას იყენებენ ერთმანეთის წინააღმდეგ, ყველაფერზე წამსვლელნი და ყველაფრის ხელისმომწერნი არიან, ოღონდ ხელისუფლაბაში იყვნენ და/ანდა მოვიდნენ და მზად არიან: ყველაფერი სიბინძურეში გახვიონ,  ყველაფერი წაბილწონ და გაყიდონ!.. ამ ხალხის ზეობის ეპოქაა დღეს საქართველოში.


მესამე კატეგორია 

ეს სხვისხელდასმული (ანუ როგორც ამბობენ „ბანჯგვლიანმა ხელმა“ რომ მოიყვანა პოლიტიკაში და დასვა სამართავად) ხალხია, რომლებსაც არაფერი დამოუკიდებელი არ გააჩნიათ, არც არაფრის პრეტენზია აქვთ, მაგრამ კარგად გრძნობენ თავს და ყოველ სიტყვაზე ნებართვას იმ „ბანჯგვლიანისგან“ იღებენ. დაყენებული არაფრისმეტყველი სიფათები მათ არარაობაზე მიუთითებენ…

P.S – ესაა ჩემი უტყუარი დაკვირვება ბოლო 20 წლისა! რაც მინახავს პოლიტიკის კუნჭულებსა თუ „სამზარეულოში“.

სხვა ყველაფერი ფასადი, ინფორმაციულ ტექნოლოგიიებით შეფუთული ტყუილი და ბლეფია. ჯერ-ჯერობით პროპორციები უცვლელია. ჯერ-ჯერობით სისტემა უცვლელია. ჯერ-ჯერობით შევარდნაძის ეპოქა არ დასრულებულა.

შედეგი?! – ქვეყნის წინაშე უდიდესი საფრთხეებია.

თქვენი კომენტარი?