16 ოქტომბერს, საზოგადოებრივი მაუწყებლის ახალი შენობა ოფიციალურად გაიხსნება და ტელევიზიისა და რადიოს სრული შემადგენლობა ახალ სივრცეში გადაინაცვლებს. მშენებლობა 4 წლის განმავლობაში მიმდინარეობდა, რომელიც თბილისში, პოლიტკოვსკაიას ქუჩაზე მდებარეობს.
ტელევიზიის ძველი შენობა კი, რომელიც კოსტავას 68 ნომერში მდებარეობს, უკვე გაყიდულია.
დღეს, მაუწყებლის თანამშრომლებმა ახალი შენობა დაათვალიერეს, სადაც, სიმბოლურად, ტელევიზიის პირველი თანამშრომელი, ტატო ბარათაშვილი შევიდა, რომელმაც საქართველოს ტელევიზიაში მუშაობა 1957 წელს დაიწყო.
საქართველოს ტელევიზიამ მაუწყებლობა 1956 წლის 30 დეკემბერს დაიწყო.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს